اقش كورەي تۇبەگىنە وزىق سوعىس ۇشاقتارىن كوپتەپ اكەلۋدە

وڭتۇستىك كورەيانىڭ «Yonhap» اقپاراتتىق اگەنتتىگى سول ەلدىڭ اسكەري دەرەك كوزدەرىنە سىلتەمە جاساي وتىرىپ، جەلتوقسان ايىندا امەريكا قۇراما شتاتتارى وڭتۇستىك كورەياعا 6 بىردەي «F-22 Raptor» اتتى مۋلتي-رولدىك سوعىس ۇشاقتارىن جىبەرەتىنىن حابارلادى.  بۇل تۋرالى «شينلاڭ» اقپاراتتىق سايتى حابارلادى.

وڭتۇستىك كورەيانىڭ قارۋلى كۇشتەرى تاراتقان مالىمەتكە قاراعاندا، بۇل ۇشاقتار الداعى ايدا بولاتىن كولەمدى اسكەري جاتتىعۋعا قاتىسادى. ۇشقىشتار وكيناۆاداعى (جاپونيا) اقش بازاسىنان وڭتۇستىك كورەياداعى نەگىزگى اۋە بازاسىنا ۇشىپ كەلمەك. مالىمەتتەرگە قاراعاندا اقش جاق جاتتىعۋعا 4 بىردەي F-35A وزىق سوعىس ۇشاقتارىندا قاتىستىرۋى مۇمكىن ەكەن.

F-22 Raptor سوعىس ۇشاقتارى قازىر الەمدەگى ەڭ وزىق اسكەري ۇشاقتاردىڭ قاتارىندا. جىلدامدىق پەن شابۋىل دالدىگىندە وعان تەڭ كەلەتىن ۇشاقتار ساناۋلى عانا. وسىعان دەيىن اقش F-22 Raptor ۇشاقتارىنان التاۋىن بىردەي كورەي تۇبەگىنە جىبەرگەن جوق.

“The Qazaq Times”