كوز جۇمعاندار سانىنىڭ كوپتىگىنەن مايىتتەردى كوشەلەردە ورتەۋدە. فوتو: ۇندىستاندىق الەم.جەلىدە.

ءۇندىستاندا كوروناۆيرۋس قورقىنىشتى ساندارمەن وسۋدە. ءبىر كۇندە 350 مىڭ ادامنان ىندەت انىقتالىپ، ەلدىڭ ورتالىق قالاسىندا ءار ءتورت مينۋت سايىن ءبىر ادامنان كوز جۇمىپ جاتىر. ەل بيلىگى ءۇندىستان ىندەتتىڭ جاڭا تولقىنى وشاعىنا اينالعانىن مالىمدەپ، حابارلاما تاراتتى.

ۇندىستانداعى ىندەت جاعدايىنىڭ اۋىرلىعى سونشالىق، دەرتتەن كوز جۇمعانداردى كوشە ورتاسىندا ورتەپ جاتقان ۆيدەولارى الەۋمەتتىك جەلىدە دە تاراپ ۇلگەردى. ءۇندىستان بويىنشا ىندەت جۇقتىرعانداردىڭ جالپى سانى 20 ملن ادامعا جەتتى.

پرەمەر-ءمينيسترى نارەندرا مودي ەلگە جالپى جولداۋ جاساپ، قازىرگى قاۋىپتى جاعدايدا ەلدىڭ جۇمىلا كۇرەسۋىن ءۇمىت ەتتى. «ىندەتتىڭ ءبىرىنشى تولقىنىن تابىستى جونگە سالعاننان كەيىن ءبىز وزىمىزگە سەنىمدى بولىپ قالعان ەدىك. بىراق، مىنا جاڭا جاعداي ۇرەيدى ۇشىرۋدا»، – دەگەن مودي جالپى حالىقتىق جولداۋىندا.

بريتانيا باستاپ كەيبىر باتىس ەلدەرى ۇندىستانعا قولداۋ كورسەتۋ ءۇشىن كومەكتەرىن جونەلتىپ جاتىر. ەۋروپا وداعى مەن امەريكا قۇراما شتاتتارى دا كوروناۆيرۋسقا قارسى كۇرەسۋگە ۇندىستانعا قولدان كەلگەنشە كومەك بەرەتىندەرىن مالىمدەدى.

“The Qazaq Times”