"قازاۆتوجول" ۇلتتىق كومپانياسىنىڭ باسشىسى ۇلان ءالىپوۆ قىزمەتىنەن بوساتىلدى. بۇل اقپاراتتى بۇگىن، 16 ساۋىردە قازاقستان پرەزيدەنتى قاسىم-جومارت توقاەۆتىڭ ءباسپاسوز حاتشىسى بەرىك ءۋالي Facebook پاراقشاسىندا حابارلادى.
"مەملەكەت باسشىسى قاسىم-جومارت توقاەۆ ۇكىمەتكە رەسپۋبليكالىق جانە جەرگىلىكتى جولداردىڭ جاعدايىن جاقسارتۋ جونىندە كەشەندى شارالار قابىلداۋدى تاپسىردى. جۇمىسىن دۇرىس اتقارماعانى ءۇشىن «قازاۆتوجول» ۇك» اق باسقارما توراعاسى ۇ.ءالىپوۆ قىزمەتىنەن بوساتىلدى. بارلىق وڭىردە بيۋدجەت قارجىسىنىڭ جۇمسالۋىنا، كولىك ماگيسترالدارىنىڭ سالىنۋىنا جانە جوندەلۋىنە باقىلاۋ كۇشەيتىلەدى. پرەزيدەنت الداعى ۋاقىتتا اتالعان ماسەلەنى ءوزىنىڭ جەكە باقىلاۋىندا ۇستايدى" دەپ جازدى ءۋالي.
بۇعان دەيىن، 9 ساۋىردە پرەزيدەنت توقاەۆ Twitter پاراقشاسىندا ەلدەگى جولداردىڭ ساپاسىز ەكەنىن جازىپ، جولعا بولىنگەن "مەملەكەت قارجىسى ءتيىمسىز جۇمسالىپ جاتىر" دەپ جازعان ەدى.
47 جاساتعى ءالىپوۆ قازاۆتوجولدى 2019 جىلدان بەرى باسقاردى. وعان دەيىن ول وسى كومپانيادا جانە كولىك جانە كوممۋنيكاتسيا مينيسترلىگى اۆتوموبيل جولدارى كوميتەتىندە ءتۇرلى قىزمەتتەر اتقارعان.
ءالىپوۆتىڭ ورنىنا كىم تاعايىندالعانى ءالى بەلگىسىز.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟