ۋكراينادا پاندەميانىڭ ءۇشىنشى تولقىنى باستالىپ، ۆيرۋس جۇقتىرعانداردىڭ سانى تاۋلىگىنە 15 مىڭ ادامعا دەيىن جەتتى. قازىر ەلدىڭ 5 وبلىسى كوروناۆيرۋستىڭ تارالۋى بويىنشا قاۋىپتى «قىزىل» دەڭگەيدە تۇر. ال ەمحانالارداعى توسەك ورىندارىنىڭ 70%-دان استامى ناۋقاسقا تولى.
وسىعان بايلانىستى كارانتين شارالارى قاتاڭداتىلا باستادى. اپتا باسىندا قابىلدانعان ۋكراينا ۇكىمەتىنىڭ قاۋلىسى بويىنشا شەت ەلدەردەن وتانىنا ورالعان ەل ازاماتتارى دا سوڭعى 48 ساعاتتا جاسالعان ارنايى تەستتى شەكارا قىزمەتكەرلەرىنە كورسەتۋى ءتيىس. ولاي بولماعان كۇزدە ساياحاتشىلار 14 كۇن بويى وقشاۋلانۋى مىندەتتەلەدى. سونىمەن قاتار، ەل ۇكىمەتى كيەۆ قالاسىنداعى مينيسترلىك جانە باسقا دا اتقارۋشى ورگان قىزمەتكەرلەرىنە 9 ساۋىرگە دەيىن تولىعىمەن ونلاين فورماتتاعى جۇمىسقا كوشۋگە شاقىردى.
كوروناۆيرۋسقا قاتىستى جاعدايدىڭ ۋشىعۋىن ۋكراينانىڭ دەنساۋلىق ساقتاۋ مينيسترلىگى بريتاندىق شتامنىڭ كەسىرىمەن بايلانىستىرادى. دەنساۋلىق ساقتاۋ ءمينيسترىنىڭ رەسمي مالىمەتىنشە، ەلدە ادام ولىمىنە قاتىستى ستاتيستيكا جاڭارعان: ءبىر تاۋلىكتە دەرتتەن قايتىس بولعاندار سانى العاش رەت 300 ادامنان استى. ارعى اپتادا ۆيرۋس جۇقتىرعاندار 60 748 بولسا، وتكەن اپتادا بۇل سان 86 708 ادامعا جەتكەن.
ۋكراينادا ۆيرۋسقا قارسى ۆاكتسيناتسيا 24 اقپاندا باستالعان. كوروناۆيرۋستىڭ جىلدام ورشۋىنە بايلانىستى، تاۋلىگىنە 10 مىڭ ادام مەملەكەتتەن تەگىن ەكپە الىپ جاتىر. بۇگىنگە دەيىن 121 مىڭنان استام ادام كوروناۆيرۋسقا قارسى ەكپەنىڭ العاشقى دوزاسىن قابىلدادى. ال 1 ناۋرىزدان باستاپ ەلدە تەگىن ۆاكتسينا الۋعا تىركەلۋ باستالدى.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى