ستوكگولمداعى لاڭكەستىك شابۋىلعا كۇدىكتى رەتىندە ۇستالعان راحمات اكيلوۆتى وزبەكستان قۇقىق قورعاۋ ورگاندارى بۇعان دەيىن  حالىقارالىق ىزدەۋگە بەرگەن – دەپ حابارلايدى ينتەرفاكس، وزبەكستان كۇشتىك قۇرىلىمدارىنا سىلتەمە جاساپ.

اقپان ايىندا راحمات اكيلوۆ ءدىني ەكستريميستىك توپتارمەن قاتىسى بار دەپ ايىپتالعان. اكيلوۆتىڭ ۇستىنەن وزبەكستان رەسپۋبليكاسىنىڭ  قىلمىستىق كودەكسىنىڭ 221-بابىنىڭ 1-ءشى تارماعى، 224-بابىنىڭ 2-ءشى تارماعى،  127-بابى بويىنشا قىلمىستىق ءىس قوزعالعان.

وزبەكستان قۇقىق قورعاۋ ورگاندارىنىڭ مالمەتىنشە اكيلوۆ 2015 جىلى تۇركيا ارقىلى سۇرياعا وتپەك بولعان. بىراق شەكارادا ۇستالىپ، بوسقىن ستاتۋسى بولعاندىقتان شۆەتسياعا دەپورتاتسيالانعان.

39 جاسار راحمات اكيلوۆ ءساۋىردىڭ 7-ءى كۇنى شۆەتسيانىڭ ستوكگولم قالاسىندا لاڭكەستىك شابۋىل جاساپ، سالدارىنان 4 ادام كوز جۇمىپ، 15 ادام جاراقات العان بولاتىن.

اكيلوۆ ءوزىنىڭ بۇل ءىسىن «دىنسىزدەرگە» قارسى ارەكەت ەكەنىن ايتىپ، «دىنسىزدەردىڭ» ءسۇريانى بومبىلاۋلارىن توقتاتۋلارى كەرەكتىگىن ايتقان.

“The Qazaq Times”