مىڭداعان اسكەر مەن جۇزدەگەن اسكەري تەحنيكا تارتىلۋدا. فوتو: ۆوەننوە دەلو

بالقان تۇبەگىنىڭ شىعىس بولىگىنە اقش پەن ناتو مىڭداعان اسكەرى مەن اسكەري تەحنيكالارىن جيناپ جاتىر. قازىردىڭ وزىندە تۇركيا شەكاراسىنا 150 شاقىرىم جەردە ناتو كۇشتەرىنىڭ 200 اسكەري تەحنيكاسى جينالعان. «ەۋروپا قورعاۋشىسى 2021» بىرىككەن اسكەري جاتتىعۋى تاعى دا رەسەيگە ەسكەرتۋ ەتىندە وتپەك.

«ەۋروپا قورعاۋشىسى» اۋقىمدى اسكەري جاتتىعۋ ناتو وداقتاستارىنىڭ رەسەي قاۋپىنە قارسى ءداتۇرلى تۇردە وتكىزەتىن ەڭ اۋقىمدى اسكەري جاتتىعۋى. بۇل اسكەري جاتتىعۋ «قىرعي-قاباق سوعىس» جىلارىنان بەرى وتكىزلىپ كەلەدى. پەنتاگون مالىمدەمەسىندە بيىل قۇراما شتاتتار ءوزىنىڭ ناتو وداقتاستارىمەن ىنتىماقتاستىعىندا بەلسەندى ەكەنىن كورسەتپەك. گرەكيانىڭ شىعىسى بۇلعاريا مەن تۇركياعا جاقىن اۋماقتا باستالاتىن جاتتىعۋعا قۇراما شتتار ەۋروپاداعى اسكەري كۇشتەرىنىڭ جۇزگە جۋىق اسكەري تەحنيكاسىن اتتاندىرعان.

تۇركيا مەن بۇلعاريا جانە گرەكيا پورتتارىنان پايدالانىپ ناتو كۇشتەرى جاتتىعۋ ايماعىنا اسكەرلەرى مەن اسكەري تەحنكالارىن جەتكىزىپ جاتىر. مامىر ايىندا جاتتىعۋ اۋقىمى كەڭەيە تۇسەدى.

گرەكياداعى جاتتىعۋدان كەيىن البانيا، بوسنيا-گەرتسوگوۆينا، بولگاريا، ەستونيا، گەرمانيا، ۆەنگريا، كوسوۆو، چەرنوگوريا، سولتۇستىك ماكەدونيا، پولشا، رۋمىنيا جانە سلوۆەنيا قاتارلى بالقىن تاۋىمەن شەكتەسكەن جانە بالقان تۇبەگىنە جاقىن ەلدەر اراسىنداعى جاتتىعۋ تامىز ايىنا دەيىن جالعاسپاق.

“The Qazaq Times”