"راديوتوچكا" سايتى جابىلدى

"راديوتوچكا" سايتى 12 سءاۋىردەن باستاپ قارجى قيىنشىلىعىنا بايلانىستى جۇمىسىن توقتاتتى، دەپ حابارلادى "ءاءدىل سءوز" ۇيىمى سايت ديرەكتورى بيگەلدى عابدۋللينگە سىلتەمە جاساپ. عابدۋللين Central Asia Monitor گازەتىندە دە باس رەداكتور بولعان ەدى. بۇل تۋرالى "ورتالىق ازيا حابار قىزمەتى" جازدى. 

سايت باسشىلىعىمەن بايلانىسۋ مۇمكىن بولمادى، بىراق، كەيبىر مالىمەتتەرگە قاراعاندا، "راديوتوچكا" جۇمىسىن Central Asia Monitor سايتى رەتىندە جالعاستىرادى.

Tengrinews اگەنتتىگى Radiotochka.kz باسپاگەرى جانە Central Asia Monitor گازەتى باس رەداكتورىنىڭ كەڭەسشىسى بيگەلدى عابدۋلليننىڭ مالىمدەمەسىن جاريالادى. "برەند ساقتالادى، ەندى بۇل پورتال Central Asia Monitor گازەتىنىڭ سايتىنا اينالادى. ال گازەت سايتىن ءبىز جابامىز", - دەدى ول.

عابدۋلليننىڭ ايتۋىنشا، رەداكتسياداعى قارجى ماسەلەلەرى مەملەكەتتىك تاپسىرىستاردى بوپسالاۋ ارقىلى الۋعا قاتىستى سوت پروتسەسىنەن كەيىن پايدا بولعان. بيىل قاڭتاردا استانا سوتى Central Asia Monitor گازەتىنىڭ باس رەداكتورى جانە Radiotochka.kz سايتىنىڭ باسپاگەرى بيگەلدى عابدۋلليندى كىنالى دەپ تانىپ، ونىڭ ەركىندىگىن بەس جىلعا شەكتەۋ تۋرالى ۇكىم شىعارعان ەدى. حابارلارعا قاراعاندا، تەرگەۋ بارىسىندا جانە سوتتا ول كىناسىن مويىنداعان جانە "بوپسالاۋمەن العان" اقشاسىن قايتارعان.

“The Qazaq Times”