قىتايدا كوروناۆيرۋسقا قارسى جالعان ۆاكتسينا ساتىپ 3 ملن دوللار پايدا تاپقان الاياقتىق توپ ۇستالدى. مۇنداي مالىمدەمەنى قىتاي پروكۋراتۋراسى جاريالادى. رەسمي مالىمدەمەگە قاراعاندا، الدامشىلىق قىلمىسىنا قاتىستى 21 ءىس قوزعالىپ، 80 كۇدىكتى ۇستالعان.

قىتايدىڭ Xinlang ينتەرنەت باسىلىمى جالعان ۆاكتسينا ساتقان ۇيىمداسقان الاياقتىق توپتاردىڭ ءبىرى  كوروناۆيرۋسقا قارسى ۆاكتسينا رەتىندە كادىمگى تۇزدى سۋ مەن مينەرالدى سۋدى قۇيىپ ساتقانىن جازعان.  تىپتى، كەيبىر ءىرى ەمحانالار دا الدامشىلاردىڭ «ۆاكتسيناسىن» پايدالانعان.

قىتاي پروكۋراتۋراسى ءوز مالىمدەمەسىندە كوروناۆيرۋس ۆاكتسيناسى بويىنشا الدامشىلىق قىلمىستارىمەن بىلتىر قىركۇيەك ايىنان باستاپ كۇرەس جۇرگىزگەن. ەلدىڭ حوۋبي، گۋاڭشي قاتارلى پروۆينتسيالارىنان قىلمىستىق توپتىڭ «ۆاكتسينا شىعاراتىن ورتالىقتارىن» تاپقان. وتكەن اپتادا ءىرى الدامشىلىق ءىسى بويىنشا وداعان ادام ۇستالىپ، تەرگەۋ بارىسىندا تاعى كوپتەگەن كۇدىكتىلەردىڭ ىسكە قاتىسى انىقتالعان.

قىتايدىڭ ءىرى فارماتسەۆتىك كومپانيالارى قازىرگە دەيىن كوروناۆيرۋسقا قارسى SinoVac جانە SinoPharm اتتى ەكى ۆاكتسينا دايىنداۋدا. ناۋرىز ايىندا اتالعان قىتايلىق ۆاكتسينالاردىڭ قولدانۋىنا قاتىستى شەشىم شىعارماق. قىتايدىڭ رەسمي مالىمەتىنە قاراعاندا قازىر ەل ىشىندە 40 ملن ادام ۆاكتسينا قابىلداعان. بىراق، قىتايدىڭ حالىق سانىمەن سالىستىرعاندا بۇل تىم از كورسەتكىش سانالادى.

“The Qazaq Times”