گەرمانيا بيلىگى كورناۆيرۋسقا قارسى ەنگىزىلگەن لوكداۋن مەرزىمىن 7 ناۋرىزعا دەيىن ۇزارتۋ تۋرالى شەشىمگە كەلدى. قاتاڭ كارانتيننەن كەيىن ەلدە ۆيرۋس جۇقتىرۋ دەرەگى بۇرىنعىمەن سالىستىرعاندا ەداۋىر ازايعان.
لوكداۋن مەرزىمى اياقتالعانشا گەرمانيادا شەكتەۋلەر بىرتىندەپ جەڭىلدەتىلەدى. ماسەلەن، 1 ناۋرىزدان باستاپ شاشتارازدار مەن مەكتەپتەر جانە بالاباقشالار اشىلادى. بىراق سالوندار بەتپەردە تاعۋ مەن الەۋمەتتىك اراقاشىقتىقتى قاتاڭ ساقتاۋى ءتيىس. ال مەكتەپتەر مەن بالاباقشالاردى اشۋ ماسەلەسىن ءار ايماق وزدەرى شەشەدى.
ۇكىمەت وتىرىسىندا كانتسلەر انگەلا مەركەل: «ءبىز ىندەتتىڭ ءۇشىنشى تولقىنىنا توسقاۋىل قويۋمىز كەرەك. ول ءۇشىن ۆيرۋستى جۇقتىرعاندار سانىن ازايتۋعا كۇش سالۋعا ءتيىسپىز. بۇل دەنساۋلىق ساقتاۋ مينيسترلىگىنە جاعدايدى باقىلاۋدا ۇستاۋىنا مۇمكىندىك بەرىپ، شەكتەۋلەردى جەڭىلدەتۋگە دە جول اشادى. دەگەنمەن، ەرتەڭدى بولجاۋ قيىن»، – دەدى.
گەرمانيادا جەلتوقساننىڭ سوڭىندا ءبىر كۇندە 32 مىڭ ادام ۆيرۋستى جۇتىرىپ انتيرەكورد ورناسا، قازىر تاۋلىكتىك كورسەتكىش 8 مىڭعا تۇسكەن. ناتيجەسىندە اۋرۋحانادالارداعى ينتەنسيۆتى تەراپيا بولىمدەرىنە سالماق ازايعان. بەرليندە وقۋدى اقپاننىڭ 22-سىندە باستاۋ جوسپارلانعان.
قازىر الەمدە كوروناۆيرۋس جۇقتىرعانداردىڭ جالپى سانى 107 ميلليونعا جەتكەن. انتيرەكورد ورناعان مەملەكەتتەر قاتارىندا اقش جانە ەۋروپانىڭ بىرقاتار ەلدەرى بار.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟