اۋستراليا پرەمەرى سكوت مورريسون. فوتو: ABC.

اق ۇيدەگى پرەزيدەنت كابينەتىنە كىرگەننەن بەرى بايدەن العاش رەت اۋستراليانىڭ پرەمەر-ءمينيسترى سكوتت مورريسونعا قوڭىراۋ سوققان. ەكى ەلدىڭ ليدەرى تەلەفوندا قىتاي مەن ميانما تاقىرىبىندا ۇزاعىنان تالقىلاعان. بۇل تۋرالى اق ءۇي رەسمي مالىمدەمە دە تاراتقان.

مالىمدەمەدە ايتىلۋىنشا، بايدەن مەن مورريسون اقش پەن اۋستراليا وداعىنىڭ مىعىم قۋاتى مەن بەرىك ىنتىماعى تۋرالى القاسىپ، بۇل وداق ءۇندى-تىنىق مۇحيتى ايماعى مەن جاھاندىق بەيبىتشىلىكتىڭ بەرىك نەگىزى بولىپ سانالاتىنىن ايتىسىپتى.

ەڭ ماڭىزىسى – ەكى ەل جەتەكشىلەرى قىتايمەن قالاي جۇمىس ىستەۋ كەرەكتىگىن تالقىلاعان. اۋستراليا پرەمەرى سويلەسۋدەن كەيىنگى مالىمدەمەسىندە بايدەنمەن قىتاي ماسەلەسىن تالقىلاعانىن راستاعان، بىراق، ەگجەي-تەگجەيلى ەشتەڭە دەمەگەن.

بايدەن قىزمەتىنە كىرىسكەننەن كەيىنگى العاشقى بىرنەشە كۇندە ازيا-تىنىق مۇحيتى جانە ەۋروپالىق وداقتاستاردىڭ باسشىلارىمەن سويلەسىپ، ولتارمەن قىتايعا قالاي بىرلەسە ارەكەت ەتۋگە بولاتىنىن كەڭەسىپ،جالپى مۇددەلى بىرقاتار سىرتقى ساياسي باسىمدىقتار بويىنشا تىعىز ىنتىماقتاستىقتا بولۋعا نيەت بىلدىرگەن بولاتىن. بۇل رەت اۋستراليا دا بايدەن ۇكىمەتىمەن قىتاي جانە باسقا دا قيىندىقتارمەن كۇرەسۋ ءۇشىن بەلسەندى ىنتىماقتاستىققا دايىن ەكەنىن ءبىلدىردى.

“The Qazaq Times”