ترامپ تاعى دا قىتاي باسشىسىن دەگەنىنە كوندىرە المادى

اقش سولتۇستىك كورەيادان كەلەتىن قاۋىپتى ازايتۋ ءۇشىن، قىتايعا بارىنشا قىسىم تۇسىرۋگە نيەتتى. بەيجىڭ تارابى كورەيا تۇبەگىن بەيبىت جولمەن شەشۋدى ءۇمىت ەتىپ وتىر. «The Wall Street Journal» باسىلىمىنىڭ حابارىنا قارعاندا، بۇگىن تۇستەن بۇرىن اقش پرەزيدەنتى دونالد ترامپ پەن قىتاي باسشىسى شي جينپيڭ تەلەفون ارقىلى وسى تاقىرىپتا تاعى ءبىر رەت سۇحباتتاسقان.

ەكى ەل باسشىسىنىڭ فلوريداداعى كەزدەسۋ وتىرىسىندا سولتۇستىك كورەيا ماسەلەسىندە تولىققاندى كەلىسىمگە قول جەتكىزە العان جوق. وعان سەبەپ بولعان فاكتورلاردى وسىدان بۇرىنعى حابارلارىمىزدا كورسەتكەن ەدىك. اقش قىسىمى ارتقان سايىن، قىتاي بيلىگى ءوزىنىڭ قالىپتاسقان ءداستۇرلى سالقىنقاندىلىعىنا سالىپ، بەيبىت شەشۋدى ۇسىنىپ وتىرىپ الدى. سەبەبى، كورەي تۇبەگىندە ۇرىس بولاتىن بولسا، قىتاي مەن اقش اراسىنا ورىنى تولماس سىزات ءتۇسىتىنى انىق. رەسەي ىشكى-سىرتقى جانجالدار، ءسۇريا جانە ناتو ماسەلەسىمەن ابىگەر بولىپ جاتقاندا، تىكەلەي ءوز مۇددەسىنە سايماسا شىعىس ازيادا قىتايدىڭ جاقتاسى بولۋى دا ەكى تالاي.

كەشەگى كۇنى ترامپ سولتۇستىك كورەياعا قاتىستى بىرنەشە ماسەلەدە قىتايعا ناسيحات جاسايتىنىن ايتقان بولاتىن. قىتايدىڭ CCTV (قىتاي ورتالىق تەلەۆيزياسى) حابارىنا قاراعاندا، شي جينپيڭ قىتاي تارابىنىڭ سولتۇستىك كورەيانى قارۋسىزداندىرۋعا تاباندى بولاتىنىن، الايدا تاراپتاردىڭ كورەي تۇبەگىندەگى ماسەلەنى بەيبىت جولمەن شەشۋگە ناسيحاتتايتىنىن، اقش تارابىندا تۇبەكتەگى بايلانىس پەن ۇيلەستىرۋگە شاقىراتىنىن ايتقان.

“The Qazaq Times”