رەسەيدىڭ كاسپيدەگى اسكەري ارەكەتى جيىلەي باستادى

رەسەيدىڭ كاسپي تەڭىزىندەگى فلوتى دايىندىق كۇيىنە ءوتتى دەپ حابارلايدى «پارس.اقپارات» اگەنتتىگى. بۇل ارەكەت رەسەيدىڭ كاسپي جاعالاۋىنداعى ايماقتارى مەن كاۆكاز وڭىرىندەگى قاۋىپسىزدىك سالاسىنداعى قاتەرلەردىڭ ۇلعايۋىنا بايلانىستى جاسالىپ وتىر ەكەن.

كاسپي تەڭىزىندەگى رەسەيدىڭ اسكەري كەمەلەرى تۇگەلدەي دايىندىق كۇيگە قويىلىپ، تەڭىز فلوتىنىڭ قورعانىس قۋاتى سىناققا ءتۇستى. رەسەيدىڭ ىشكى ايماقتارى سوڭعى كەزدە لاڭكەستىك شابۋىل نىساندارىنا اينالۋى سەبەپتى، داعىستان مەن استراحان جەرىندەگى اسكەري بولىمشەلەر وقۋ-جاتتىعۋلارىن جيىلەتە باستادى. وڭتۇستىك فەدەرالدى اسكەري ءوڭىرىنىڭ، كاسپي تەڭىز فلوتىنىڭ بارلىق بولىمشەلەرى جۇمىلدىرىلعان وقۋ-جاتتىعۋلار كاسپي تەڭىز فلوتىنىڭ قولباسشىسى كونتر-ادميرال سەرگەي پينچۋكتىڭ قاداعالاۋىمەن وتۋدە.

“The Qazaq Times”