پاندەمياعا بايلانىستى بيىلعى كانن فەستيۆالى كەيىنگە شەگەرىلدى. حالىقارالىق كينو مەرەكەسى 11 مامىردا باستالىپ، 10 كۇنگە سوزىلۋى ءتيىس بولاتىن. ەندى فەستيۆال شىلدەنىڭ 6-سى مەن 17-ءسى ارالىعىندا وتەدى.

رەسمي حابارلامادا: «وتكەن جىلدىڭ كۇزىندە كانن فەستيۆالىن وتكىزۋ مەرزىمى الەمدەگى سانيتارلىق جاعدايعا بايلانىستى وزگەرۋى مۇمكىن ەكەندىگىن حابارلاعانبىز. وسىلايشا، كانن ونكۇندىگى الدىن الا جوسپارلاعانداعىداي 11-22 مامىر ارالىعىندا ەمەس، 2021 جىلدىڭ 6-17 شىلدەسىندە وتەدى»، – دەلىنگەن.

2020 جىلى ايگىلى فەستيۆالدى وتكىزۋ ۋاقىتى پاندەمياعا بايلانىستى وزگەرتىلدى. الايدا، كورەرمەندەر نازارىنا ۇسىنىلۋى ءتيىس كورسەتىلىمدەردىڭ ءبىر بولىگى وزگە فەستيۆالدەر مەن كينوتەاترلارداعى تاقىرىپتىق قويىلىمدار بارىسىندا كورسەتىلدى. 2020 جىلى ءىس-شارا ۆيرۋسقا قارسى قاتاڭ شارالاردى ۇستانا وتىرىپ، بەرلين مەن ۆەنەتسيادا ۇيىمداستىرىلدى.

"The Qazaq Times"