رەسەيدە قاقاعان ايازعا قاراماستان ناۆالنىي جاقتاستارى نارازىلىققا شىقتى

كەشە رەسەيدىڭ ونشاقتى قالاسىن قامتىعان وپپزيتسيالىق ساياساتكەر الەكسەي ناۆالنىيدى بوساتۋدى تالاپ ەتكەن نارازىلىق شاراسىندا 2,1 مىڭنان استام ادام ۇستالعانى حابارلاندى. 17 قاڭتاردا گەرمانيادان ورالعان وپپزيتسيالىق ساياساتكەر الەكسەي ناۆالنىيدىڭ قامالۋىنا بايلانىستى رەسەيدىڭ ونداعان قالاسىندا نارازىلىق اكتسياسى جالعاسىپ جاتىر.
23 قاڭتاردا ناۆالنىيدى قولداپ ماسكەۋدە 40 مىڭ ادام، ال باسقا ايماقتاردا دا نەشە ونمىڭداعان ادام نارازىلىق اكتسياسىنا قاتىسقان.
كۇشتىك قۇرلىمدار جاپپاي ۇستاۋعا كۇش سالىپ جاتىر. ۇستالعانداردىڭ اراسىندا ناۆالنىيدىڭ سەرىكتەرى. فبك وكىلدەرى مەن جۇبايى يۋليا ناۆالنايا دا بار.
ەرەۋىل ماسكەۋ، سانكت-پەتەربۋرگ، كراسنايارسك، حاباروۆسك، ومبى، تومبى، ەكاتەرينبۋرگ، ياكۋتسك جانە ت.ب قالالاردا ءوتتى. پوليتسيا كوشەگە شىققانداردى ۇستاپ اۆتوزاكقا قاماپ جاتىر. ارنايى پوليتسيا جاساعى كەي وڭىرلەردە الاڭعا شىققانداردى سوققىعا جىقسا، ماسكەۋدە كوشەدە كەتىپ بارا جاتقاندا ادامداردى دا ۇستاعان.

ياكۋتسك سەكىلدى سولتۇستىك وڭىرلەردىڭ وزىندە دە 50 گرادۋستىق سۋىققا قاراماي ناۆالنيدى قولداپ شىققان تۇرعىنداردى پوليتسيانىڭ قاماپ جاتقانى ايتىلۋدا. الەكسەي ناۆالنىيدىڭ جاقتاستارى قاماۋداعى ساياساتكەردى قولداۋعا شاقىراتىن كەلىسىلمەگەن اكتسيا وتكىزۋگە شاقىرعان.

“The Qazaq Times”