گەرمانيا ۆاكتسيناتسيالاۋعا دايىندىق باستادى

ەۋروپانىڭ بىرقاتار مەملەكەتتەرى ۆيرۋستىڭ الدىن الۋ ءۇشىن ۆاكتسيناتسيالاۋعا دايىندىق باستادى.

گەرمانيا دەنساۋلىق ساقتاۋ ءمينيسترىنىڭ مالىمدەۋىنشە، دەرتكە قارسى ەكپە ەگۋ جىل اياعىنا دەيىن باستالۋى مۇمكىن. وسى ماقساتتا ەل اۋماعىندا ەكپە جاسايتىن 400 ورتالىق قۇرىلادى.

بيلىك وكىلدەرى ۆاكتسينا تەگىن بولاتىنىن جاريالادى. ونى ساتىپ الۋعا، جەتكىزۋگە جانە ورتالىقتاردى جابدىقتاۋعا بارلىق شىعىن مەملەكەت تاراپىنان بولىنەدى. ەگەر كۇن سايىن 100 مىڭ ەكپە جاسالاتىن بولسا، 15 ميلليون ادامعا ۆاكتسينا ەگۋ ءۇشىن 5 ايداي ۋاقىت كەتەدى.

ساراپشىلاردىڭ پىكىرىنشە، گەرمانيادا ىندەتتىڭ تارالۋىنا توسقاۋىل قويۋ ءۇشىن حالىقتىڭ 70%-ىنا ۆاكتسينا ەگىلۋى ءتيىس. الايدا ەكپە جاساۋعا ەشكىمدى ماجبۇرلەمەيدى. ساۋالناما ناتيجەلەرى كورسەتكەندەي نەمىستەردىڭ 53%-ى ۆاكتسيناعا قارسى ەمەس.

كەشە ۇلىبريتانيا مالىمەتىنشە، ۇلىبريتانيا امەريكالىق Pfizer جانە BioNTech كومپانيالارىنىڭ كوروناۆيرۋسقا قارسى بىرلەسىپ جاساعان ۆاكتسيناسىنا رۇقسات بەردى. ەلدىڭ دەنساۋلىق ساقتاۋ ءمينيسترى مەتت حانكوك حالىقتى ۆاكتسيناتسيالاۋ كەلەسى اپتادا باستالاتىنىن جانە ەكپەنىڭ 40 ميلليون دوزاسىنا تاپسىرىس بەرىلگەنىن حابارلادى.

يتاليادا ەكپە تەگىن ءارى ەرىكتى سالىناتىن بولدى. ەلدىڭ دەنساۋلىق ساقتاۋ ءمينسيترى يتاليا بيلىگى 202 ملن دوزا ساتىپ الۋدى جوسپارلاپ وتىرعانىن مالىمدەدى. بۇل 60 ملن-نان استام ادام تۇراتىن ەلگە ارتىعىمەن جەتۋى ءتيىس. سونداي-اق مينيستر روجدەستۆو مەن جاڭا جىلدى اتاپ ءوتۋ كەزىندە ءجۇرىس-تۇرىستى شەكتەيتىن جاڭا ەرەجەلەر ازىرلەنىپ جاتقانىن ەسكەرتتى.

مالىمەت

Pfizer – BioNTech ۆاكتسيناسى دارىلىك زاتتار مەن مەديتسينالىق قۇرىلعىلاردى باقىلاۋ جونىندەگى باسقارماسىمەن (MHRA) ماقۇلدانعان. ەۋروپا كوميسسياسىنىڭ باسشىسى ۋرسۋلا فون دەر ليايەننىڭ ايتۋىنشا، ساتىپ الىنادى دەپ جوسپارلانعان 300 ملن دوزانىڭ باعاسى – 4,6 ملن ەۋرو.

اتالعان ەكپەلەردەن باسقا، تاعى بىرنەشە كومپانيا ۆاكتسينالارىن تىركەۋگە جانە ونەركاسىپتىك ءوندىرىستى باستاۋعا دايىندالىپ جاتىر. بۇعان دەيىن الەمدە ەكى ۆاكتسينا كلينيكالىق سىناقتىڭ سوڭعى ءۇشىنشى فازاسىن اياقتاعان. قازىر باسقا ون ەكپە سىناقتىڭ سوڭعى كەزەڭىنەن وتكىزىلىپ جاتىر. سىناقتان ءساتتى ءوتىپ، كوروناۆيرۋستى ەمدەۋدە 90%-دان ارتىق دالدىك كورسەتكەن ۆاكتسينالار قاتارىندا Pfizer, BioNTech فارماتسەۆتيكالىق كومپانياسى جاساعان ەكپە جانە امەريكالىق مoderna ەكپەسى بار.

"The Qazaq Times"