ارمەنيا پرەمەر-ءمينيسترى نيكول پاشينيان تاۋلى قاراباقتاعى جاعدايعا بايلانىستى قىزمەتىنەن كەتۋگە نيەتتى ەمەس ەكەنىن مالىمدەدى. بۇل تۋرالى ونلاين-كونفەرەنتسيا كەزىندە ايتتى.
پاشينيان سوزىندە: «مەن ءۇشىن ەلدىڭ تۇراقتىلىعى مەن قاۋىپسىزدىگىن قامتاماسىز ەتۋ تۋرالى ماسەلە بار. باسقا ماسەلەلەر جوق. باستاپقى كەزدە مەن ءۇشىن بەيبىت تۇرعىنداردىڭ اماندىعى ماڭىزدى بولدى. سوندىقتان دا وسىنداي شەشىم قابىلدادىم. بۇل جاعدايعا بايلانىستى وتستاۆكاعا كەتۋ ويىمدا جوق»، – دەدى.
سونىمەن قاتار، پاشينيان رەسپۋبليكانىڭ وپپوزيتسياسىن حالىقتى قارۋلى كۇرەس پەن قاقتىعىستارعا شاقىرماۋدى تالاپ ەتتى.
10 قاراشادا ءازىربايجان، ارمەنيا جانە رەسەي تاۋلى كاراباقتاعى اسكەري قيمىلداردى توقتاتۋ تۋرالى كەلىسىمگە قول قويعان. ۋاعدالاستىق بۇگىننەن باستاپ كۇشىنە ەندى. قۇجاتقا سايكەس ايماققا رەسەي بىتىمگەرلەرى كىرگىزىلىپ، ارمەنيا ازىربايجانعا 20 قاراشاعا دەيىن اگدام جانە گازاح اۋدانىندا ارميانداردىڭ قولىنداعى جەردى قايتارىپ بەرۋگە كەلىستى.
ارمەنيا پرەمەر-ءمينيسترى كەلىسىم تۋرالى جاريالاي سالىسىمەن ەرەۆاندا تولقۋلار باستالدى. ۇكىمەت باسشىسىنىڭ شەشىمىنە نارازىلىق تانىتقان جۇزدەگەن ادام ەرەۆانداعى ۇكىمەت ۇيىنە باسىپ كىرىپ، پارلامەنت سپيكەرىن تەپكىگە جىقتى.
بيىل 27 قىركۇيەكتە تاۋلى قاراباق ءۇشىن قاقتىعىس قايتا باستالىپ، مىڭداعان ادام قايتىس بولدى. ولاردىڭ اراسىندا بەيبىت تۇرعىندار دا بار. ەكى تاراپ ءۇش رەت اتىستى توقتاتۋ تۋرالى كەلىسىمگە كەلگەنىمەن، بۇل كەلىسىم ساقتالمادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟