زەلەنسكيدىڭ ۇستىنەن ءىس قوزعالدى

ۋكراينانىڭ كونستيتۋتسيالىق سوتى پرەزيدەنت ۆلاديمير زەلەنسكيدى پاندەميا كەزىندە بەلگىلەنگەن كارانتين ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتپاق.

ۋكراينا پرەزيدەنتى، ونىڭ كەڭسەسىنىڭ باسشىسى اندرەي ەرماك جانە باس مەملەكەتتىك سانيتارلىق دارىگەر ۆيكتور لياشكو 10 ماۋسىمدا حمەلنيتسكي وبلىسىنا ساپارى كەزىندە كارانتين تالاپتارىن بۇزعان.

زەلەنسكيدىڭ كارانتيندىك شەكتەۋلەردى بۇزعانى تۋرالى ءىس باستاپقىدا حمەلنيتسكي قالالىق سوتىنا كەلىپ ءتۇستى. بىراق زەلەنسكي مەملەكەت باسشىسىنا قول سۇعىلماۋشىلىق قۇقىعىن پايدالانعاندىقتان، ءىس جوعارعى سوتقا جىبەرىلگەن.

ايتا كەتەيىك، الەمدە كوروناۆيرۋستىڭ ەكىنشى تولقىنى بەلەڭ الىپ، بىرقاتار مەملەكەتتەر توتەنشە جاعداي ەنگىزە باستادى. كارانتين شەكتەۋلەرى كۇشەيتىلگەن مەملەكەتتەر قاتارىندا ۋكراينا دا بار. قازىر مۇندا 490 مىڭ دەرەك تىركەلىپ، 8 947 ادام اجال قۇشقان.

"The Qazaq Times"