ىرىسبەك توقتاسىن: مامين وتستاۆكاعا كەتسىن. ءبىر ادامدىق پيكەت

"ساياسي رەفورماسىز سايلاۋعا بايكوت!". بۇگىن، 5 قاراشا الماتى قالاسىنداعى اباي ەسكەرتكىشىنىڭ الدىندا ازاماتتىق بەلسەندى، دەموكراتيالىق پارتيانى قۇرۋشى توپتىڭ مۇشەسى ىرىسبەك توقتاسىن  وسىنداي تالاپپەن ءبىر كىسىلىك پيكەت وتكىزدى. 

ءبىر ادامدىق پيكەتتە بەلسەندى سايلاۋ زاڭىنا وزگەرىستەر ەنگىزۋىن، ساياسي پارتيالاردى تىركەۋدىڭ ەرەجەلەرىن جەڭىلدەتۋدى، ساياسي تۇتقىنداردى بوساتۋدى، سونداي-اق، نەسيەلىك امنيستيا جاريالانۋىن تالاپ ەتتى.

بەلسەندىنىڭ ايتۋىنشا قازىرگى زاڭ ەرەجەلەر رەسپۋبليكامىزداعى سايلاۋعا جانە سايلانۋعا قۇقىعى بار 12 ملن ادامنىڭ قۇقىعىن شەكتەپ وتىر. بيلىك پارتياسى وزىنە جاقتاس پارتيالارمەن سايلاۋعا بارىپ، ءوز بيلىگىنىڭ مەرزىمىن ۇزارتقىسى كەلەدى دەگەن بەلسەندى ەلدەگى سايلاۋشىلاردى الداعى پارلامەنت سايلاۋىنا بايكود جاريالاۋعا شاقىردى. سونداي-اق، ول ازاماتتار ءوز قارسىلىعىن اشىق نارازىلىق ارەكەتتەر ارقىلى ءبىلدىرۋى كەرەك دەپ سانايدى.

"بانكتەر مەملەكەتتەن العان قارىزىن قايتارماۋعا بولادى ەكەن دە، بانكتەردەن قارىز العان ازاماتتاردى سوتقا سۇيرەپ، قىسپاققا الادى. سول ءۇشىن دە قاراپايىم ازاماتتاردىڭ قارىزىنا ءبىر رەت كەشىرىم جاريالاۋدى تالاپ ەتەمىز", – دەدى بەلسەندى نەسيەلىك امنيستيا تۋرالىسوزىندە: ء"بىز وليگارحتاردىڭ نەسيەسىن كەشىرۋدى تالاپ ەتىپ وتىرعامىز جوق، سەبەبى ولار ونسىز دا مەملەكەتتىك، حالىقتىڭ ەسەبىنەن كۇن كورىپ وتىر، ءبىز قاراپايىم حالىقتىڭ قارىزىن كەشىرۋدى تالاپ ەتىپ وتىرمىز".

بيلىك پارتياسىنداعى جانە بيلىكتىڭ وزگە تارماقتارىنداعى جەمقورلىققادا نارازىلىعىن بىلدىرگەن ىرىسبەك توقتاسىن بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ جەمقورلىقپەن سوتتالۋىنا بايلانىستى، پرەمەر-مينيستر بولعان اسقار ءماميننىڭ دە جاۋاپكەرشىلىگى بار ەكەنىن العا تارتىپ، ءماميننىڭ وتستاۆكاعا كەتۋىن تالاپ ەتتى.

پيكەتتەن كەيىن.

دەموكراتيالىق پارتيانى قۇرۋشى توپ مۇشەلەرى ءبىر ادامدىق پيكەتتى بىرنەشە كۇننەن بەرى جالعاستىرىپ كەلەدى. بۇعان دەيىن اتالعان توپ پەن "باسە" ارناسى جۇرتتى 14 قاراشا كۇنى الماتى قالاسىندا اشىق نارازىلىق شاراسىنا شاقىرىپ جاتقانى بەلگىلى بولعان. بەيبىت نارازىلىق شاراسىن وتكىزۋ تۋرالى الماتى اكىمدىگىنە ەسكەرتۋ حاتتارىن دا جولدعان، اكىمدىك تارابى ءالى جاۋاپ بەرگەن جوق.

“The Qazaq Times”