قىتاي حۋنان تەلەارناسىنداعى «ءانشى» جوباسىنىڭ جارتىلاي فينالى 8 ءساۋىر كۇنى كەشتە تىكەلەي ەفيردە تاراتىلدى. بۇل جولى ديماشپەن بىرگە لين يليان، لين جىشۋان، لي جيان، جاڭ جيە، «Lion» توبى، دۋ ليشا، پىڭ جياحوي، يۋان ياۋەي، جاڭ بيچىڭ قاتارلى انشىلەر باسەكەگە ءتۇستى.

ديماشتىڭ بۇل جولعى ورىندايتىن ءانى يتاليالىق ءانشى، كينو اكتەر ادريانو چەلەنتانونىڭ 2002 جىلى الەمگە كەڭ تاراعان «Confessa» (قاز. “مويىنسۇنۋ” ) اتتى تۋىندىسى.

كورەرمەندەرىنە اعىنان جارىلا العىسىن ايتقان ديماش «ارمانسىز ادام – ورمانسىز بۇلبۇلمەن تەڭ دەگەن. ارماندامايمىن دەسەم وتىرىك بولار. بىراق تا مەن باس جۇلدەنى الماي قالسام دا رەنجىمەيمىن، ويتكەنى مەن قازىردىڭ وزىندە جەڭىمپازبىن» دەدى.

“The Qazaq Times”