تاجىكستانداعى سايلاۋ: «اۆتوريتار» قايتا پرەزيدەنت اتاندى

تاجىكستانداعى سايلاۋدا ەمومالي راحمون جەڭىسكە جەتتى. بۇل جونىندە ورتالىق سايلاۋ كوميسسياسىنىڭ توراعاسى باحتيەر حۋدوەرزودا مالىمدەدى.

– الدىن الا مالىمەت بويىنشا پرەزيدەنتتى سايلاۋدا قازىرگى مەملەكەت باسشىسى ەمومالي راحمون جەڭدى، وعان سايلاۋشىلاردىڭ 90,92%-ى نەمەسە سايلاۋعا قاتىسۋ كورسەتكىشى 85,39 % بولعاندا 3,837 ملن ادام نەمەسە 4,221 ملن سايلاۋشى داۋىس بەرگەن، – دەدى حۋدوەرزودا.

ورتالىق سايلاۋ كوميسسياسى داۋىس بەرۋ كەزىندە زاڭ بۇزىلماعانىن حابارلادى.

بۇعان دەيىن سايلاۋعا 68 جاستاعى راحمونمەن بىرگە پارلامەنتتىڭ ءتورت دەپۋتاتى قاتىسقان. ولار: اگراري پارتياسىنىڭ وكىلى رۋستام لاتيفزودا، ەكونوميكا رەفورمالارى پارتياسىنىڭ وكىلى رۋستام راحماتزودا، سوتسياليستىك پارتيانىڭ مۇشەسى ابدۋحاليم گاففورزودا جانە كوممۋنيستىك پارتيانىڭ مۇشەسى ميرودج ابدۋللوەۆ. سايلاۋدا ولاردىڭ ارقايسىنىڭ جيناعان داۋىسى 4%-عا دا جەتپەگەن.

راحمون – 1994 جىلدان بەرى تاجىكستان پرەزيدەنتى. ول سايلاۋدا وسىمەن بەسىنشى رەت جەڭىسكە جەتىپ وتىر.

پوستكەڭەستىك ەلدەردىڭ اراسىنداعى اۋىسپايتىن «ديكتاتوردىڭ» ءبىرى رەتىندە اتانىپ كەتكەن راحموننىڭ ەڭ ىقپالدى ساياسي قارسىلاسى – «تاجىكستاننىڭ يسلام جاڭعىرتۋ پارتياسى». جوعارعى سوت 2015 جىلى ۇيىمدى «ەكسترەميستىك» دەپ تانىپ، قىزمەتىنە تىيىم سالعان. كوپتەگەن پارتيا جەتەكشىلەرى مەن مۇشەلەرى تۇرمەگە قامالعان، كەيبىرى ەلدەن قاشىپ كەتكەن.

تاجىكستاندا قىزمەتىنە تىيىم سالىنعان «گرۋپپا 24» وپپوزيتسيالىق توبى وسىعان دەيىن ۇكىمەتتى تاۋەلسىز كانديداتتاردى تىركەمەدى، سايلاۋدا شىنايى باسەكە جوق جانە ونىڭ ناتيجەسى قازىردەن بەلگىلى دەپ وتكىر سىناعان.

"The Qazaq Times"