تاجىكستاندا پرەزيدەنت سايلاۋى جاقىنداپ كەلەدى. پرەزيدەنت سايلاۋىنا تۇسەتىن كانديداتتار اتالا باستادى. ادەتتەگىدەي بيلىك پارتياسى ەلدىك-دەموكراتتار پارتيايسى قازىرگى پرەزيدەنتى ەمومالي ءشارىپۇلى راحموندى ۇسىندى. ونىڭ كانديداتتىعىن ەلدەگى ۇكىمەتتىك ەمەس ۇيىمدار مەن جاستار ۇيىمدارى دا قولداپ شىقتى.

1992 جىلدان بەرى ەل بيلەپ كەلە جاتقان راحموني 5-ءشى رەت سايلاۋعا قاتىسقالى وتىر. ونىڭ ۇستىنە تاجىك كونستيتۋتسياسىنا ساي ونىڭ پرەزيدەنتتىككە ۇمىتكەر بولۋىنا شەكتەۋ جوق.

1994 جىلعى پرەزيدەنت سايلاۋىندا 58 پايىز داۋىسپەن جەڭىسكە جەتكەن راحمون، بەس جىلدان كەيىنگى سايلاۋدا 98 پايىز الدى دەلىنگەن رەسمي مالىمەتتى. 2006 جىلعى سايلاۋدا دا ەمامالي روحمان جەڭىسكە جەتكەن، الايدا سايلاۋدا زاڭ بۇزىلۋشىلىقتار بولعانى ءمالىم بولعان. 2013 جىلعى داۋىس بەرۋ ناتيجەسى 84 پايىز داۋىس جيعان. بۇدان بەس جىل بۇرىن وعان «بەيبىتشىلىك پەن ۇلتتىق بىرلىكتىڭ نەگىزىن سالۋشى ۇلت ليدەرى» دەگەن رەسمي اتاق بەرىلىپ، ەلدەگى شارتسىز بيلىك يەسى بولىپ قالعان.

كەزەكتى سايلاۋدا تاجىكستانداعى رەسمي بىرنەشە پارتيانىڭ وكىلدەرى قاتىسقان. الايدا، تاجىكستان دەموكراتيالىق پارتياسىنىڭ ۇكىمىتكەرى تىركەلمەگەن. ساراپشىلاردىڭ پىكىرىنشە، پرەزيدەنت سايلاۋىنىڭ ناتيجەسى قازىردەن بەلگىلى، تالاپكەرلەر اراسىندا قازىرگى پرەزيدەنتكە لايىقتى قارسىلاستار جوق.

تاجىكستاندا پرەزيدەنت سايلاۋ 11 قازاندا وتەدى. قازىرگى پرەزيدەنت باسشىلىق ەتكەن ەلدىك-دەموكراتتار پارتياسىنىڭ مۇشەلەر سانى 500 مىڭعا جۋىق. ەلدە سايلاۋشىلار سانى 5 ميلليون ادامعا جەتپەيدى. دەمەك، بيلىك پارتياسىنىڭ مۇشەلەرى جالپى داۋىس بەرۋگە قۇقىلى تاجىكستاندىقتاردىڭ 10 پايىزىن يەلەيدى.

“The Qazaq Times”