كوروناۆيرۋس ەۋروپانى ميگراتسيانىڭ جاڭا تولقىنىمەن قورقىتۋدا

ەۋروپا ەلدەرى ميگرانتتاردىڭ جاڭا تولقىنىنا تاپ بولامىز با دەپ الاڭداۋدا. كوروناۆيرۋس پاندەمياسىنىڭ اسەرىندە داعدارىستاردان مەكەنىن تاستاپ جەرورتا تەڭىزى ارقىلى ەۋروپاعا اعىلعان ميگرانتتار سانى كوبەيگەن.

يسپانيانىڭ قوعامدىق ۇيىمدارىنىڭ مالىمدەۋىنشە، جەرورتا تەڭىزىندە 277 ميگرانتتى قۇتقارىپ العان كەمە ەندى ون كۇننەن بەرى ەۋروپانىڭ پورتتارىنا كىرە الماي تۇر. بوسقىنداردىڭ ەلىنە كىرىپ كەتكەنىن قالاماعان ەۋروپا ەلدەرى «قۇتقارۋشى كەمەنى» تەڭىز ايلاقتارىنا جولاتار ەمەس.

ەۋروپا ليدەرلەرى بولسا پاندەميا تۋدىرعان داعدارىس سەبەبىنەن سولتۇستىك افريكا جانە باتىس ازيادان (باتىستا تاياۋ شىعىس) ەۋروپانى كوزدەپ العىلعان ميگرانتتاردىڭ سانى كوبەيۋى مۇمكىن دەپ الاڭداپ وتىر.

گرەكيانىڭ لەسمۋس ارالىندا پوليتسيا قيراعان «ماريا» لاگەرىنەن مىڭداعان ميگرانتتاردى جاڭا لاگەرگە كوشىرىپ جاتىر. وتكەن اپتادا «ماريا» لاگەرى ورتەنىپ كەتكەننەن بەرى بوسقىندار ۋاقىتشا باسپانادا جاساپ كەلدى. لاگەرگە ءورت قويعان دەگەن ايىپپەن ءتورت بوسقىن تەرگەۋگە الىنعان ەدى.

الداعى اپتادا ەۋروپا وداعى ميگرانتتارعا ارنالعان جاڭا ساياساتىن جاريالايدى. بۇعان دەيىن ەو ميگراتسيا داعدارىسىن ءونىمدى شەشە العان ەمەس دەپ سىنعا الىنعان. ال، بوسقىنداردى اشىق تەڭىزدە قۇتقارىپ العان قايىرىمدىلىق ۇيىمدارى ەۋروپانى جەتىلىكتى شارالار جاساماي وتىر دەپ سىندايدى. 2015 جىلى ەۋروپا ميگراتسيا داعدارىسىنا تاپ بولىپ تۇرعان تۇستا، جەرورتا تەڭىزىن قايىقپەن كەسىپ وتپەك بولعان 3 مىڭنان استام بوسقىن سۋعا باتىپ ولگەن ەدى.

“The Qazaq Times”