ەو قىتايدان ادام قۇقىعى ماسەلەسىن قاراستىرۋدى تالاپ ەتتى

ەۋرووداق قىتايدى ساۋدا كەدەرگىلەرىن جويۋعا جانە ەو مەن قىتاي اراسىنداعى ەكونوميكالىق قاتىناستاردى جاقسارتۋعا شاقىرادى. دۇيسەنبىدە ەو باسشىلارى مەن شي جينپيڭ ءسامميتتىڭ كەزەكتى وتىرىسىن ونلايىن فارماتتا وتكىزدى.

ەۋرووداق باسشىلارى قىتايدىڭ ادام قۇقىعى ماسەلەلەرىنە الاڭداۋشىلىق ءبىلدىردى، الايدا، بۇل سىندى بەيجىڭ تارابى «قىتايدىڭ ىشكى ىسىنە ارالاسۋ» دەپ قابىلدايتىنىن مالىمدەدى.

ەۋروپالىق وداققا مۇشە بارلىق 27 ەلدىڭ مەملەكەت باسشىلارى جانە قىتاي توراعاسى شي جينپيڭ گەرمانيانىڭ لەيپتسيگ قالاسىندا سامميت وتكىزۋدى جوسپارلاپ وتىر، دۇيسەنبىدەگى ونلايىن وتكەن وتىرىستا باستاپقىدا جوسپارلانعاننان الدەقايدا از ادام قاتىسقان.

ەۋروپا ەلدەرىندە كوروناۆيرۋس ەپيدەمياسى قايتا ءورشي باستاعانى سەبەپتى جوسپاردى وزگەرتۋگە تۋرا كەلگەن. سامميتكە شي جينپيڭنەن باسقا ەۋروپالىق كەڭەس توراعاسى ميشەل، ەۋروپالىق كوميسسيانىڭ توراعاسى ليايەن جانە ەۋروپالىق وداق توراعالىعىنداعى گەرمانيا كانتسلەرى مەركەل قاتىستى.

ميشەل كەزدەسۋدەن كەيىن باق وكىلدەرىنە بەرگەن سۇقباتىندا ەو قىتاي نارىعىنا كىرۋ ماسەلەسىن بەيجىڭنەن تالاپ ەتەتىندىگىن ايتتى.

"The Qazaq Times"