ەگەر بيلىك حالىقپەن ديالوگ جۇرگىزبەسە، بەلارۋس تە مايدانمەن بەتپە-بەت كەلۋى مۇمكىن. اۆستريالىق Wiener Zeitung گازەتىنە سۇحبات بەرگەن ۋكراينا پرەزيدەنتى ۆلاديمير زەلەنسكي وسىلاي دەپ مالىمدەدى.
زەلەنسكي بەلارۋستەگى قازىرگى احۋالدا بەلارۋس حالقىن قولدايتىنىن ايتتى. «ادامدار اگرەسسيا مەن زورلىق-زومبىلىقسىز ءومىر ءۇشىن، بەيبىتشىلىك پەن دەموكراتيا ءۇشىن كۇرەسىپ جاتىر. شەرۋدە ەشكىم بيلىك وكىلدەرىنە قارۋ كەزەنگەن جوق، عيماراتتاردى ورتەمەگەن جوق. ال بەلارۋس بيلىگى دەمونسترانتتارعا قاتىگەزدىكپەن قارايدى. ۋكراينا ءۇشىن قاندى مايدان بولماۋى ماڭىزدى. ەگەر مەملەكەت حالىقپەن ديالوگ جاساۋدان باس تارتسا، وندا بەلارۋستى مايدان كۇتىپ تۇر»، – دەدى زەلەنسكي.
سونىمەن قاتار ۋكراينا پرەزيدەنتى بەلارۋس باتىس پەن رەسەي اراسىنداعى تاعى ءبىر داۋدىڭ تاقىرىبىنا اينالۋى مۇمكىن بە دەگەن سۇراققا جاۋاپ بەرىپ، ەل بيلىگىن سىنعا الدى.
ۆلاديمير زەلەنسكي ۆەناعا 15 قىركۇيەكتە رەسسي ىسساپارمەن بارادى. ول اۆستريا پرەزيدەنتى الەكساندر ۆان دەر بەللەن، كانتسلەر سەباستيان كۋرتس جانە اۆستريا ۇلتتىق كەڭەسىنىڭ (پارلامەنتتىڭ تومەنگى پالاتاسى) ءبىرىنشى توراعاسى ۆولفگانگ سوبوتكامەن كەلىسسوزدەر جۇرگىزبەك.
9 تامىزدا بەلارۋستە پرەزيدەنت سايلاۋى ءوتتى. ورتالىقسايلاۋ كوميسسياسى قازىرگى مەملەكەت باسشىسى الەكساندر لۋكاشەنكو 80,10% داۋىسپەن جەڭىسكە جەتكەنىن جاريالادى. ونىڭ باستى باسەكەلەسى، وپپوزيتسيا اتىنان قاتىسقان سۆەتلانا تيحانوۆسكايا 10,12% داۋىسقا يە بولدى.
تيحانوۆسكايا سايلاۋ قورىتىندىسى بويىنشا ورتالىق سايلاۋ كوميسسياسىنا شاعىم ءتۇسىردى. ەكزيت-پولدىڭ ناتيجەلەرى 9 تامىز كەشكە جاريالانعاننان كەيىن مينسكتىڭ ورتالىعىندا جانە رەسپۋبليكانىڭ كەيبىر باسقا قالالارىندا جاپپاي نارازىلىق باستالدى.
بەلارۋستەگى احۋال ءالى دە ءماز ەمەس. كۇنى كەشە پرەزيدەنت الەكساندر لۋكاشەنكو ۆلاديمير پۋتينمەن كەزدەسىپ، كومەك سۇرادى. بۇل جاعداي بەلارۋس بەلسەندىلەرى مەن نارازى حالىقتىڭ اشۋ-ىزاسىن تۋعىزدى. ەلدەگى جاعدايدان كەيىن ەۋروپالىق وداق پەن اقش بەلارۋسكە سانكتسيا ەنگىزۋ ماسەلەسىن قاراستىرىپ جاتىر. سانكتسيا 21 قىركۇيەكتە كۇشىنە ەنۋى ءتيىس. رەسمي وكىلدەر سانكتسيا ءتىزىمىن كەڭەيتۋگە بولاتىنىن ايتتى. سانكتسيا ماقساتى – بەلارۋس بيلىگى مەن وپپوزتسياسى اراسىنداعى كەلىسسوزدەردى باستاۋ.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
جاۋاعاشتى تۇرمەسى ايگەرىمدى تاعايىندالعان ەمگە جىبەرمەي جاتىر