فوتو: news.rambler

مينسكتە بيلىككە قارسى وتكەن ميتينگتە 400-دەن استام ادام ۇستالدى. بۇل تۋرالى بەلارۋس قۇقىق قورعاۋ ورگاندارى حابارلادى.

رەسمي حابارلامادا: «نارازىلىق اكتسيالارى مينسكتەن باسقا ايماقتاردا تولىعىمەن اياقتالدىدەۋگە بولادى. ميتينگ كەزىندە جالپى سانى ءتورت جۇزدەن استام ادام ۇستالدى»، – دەلىنگەن.

بۇعان دەيىن ءبىر عانا مينسكتىڭ وزىندە 250 ادامنىڭ قاماۋعا الىنعانى ءمالىم بولعان.

9 تامىزدا بەلارۋستە پرەزيدەنت سايلاۋى ءوتتى. ورتالىقسايلاۋ كوميسسياسى قازىرگى مەملەكەت باسشىسى الەكساندر لۋكاشەنكو 80,10% داۋىسپەن جەڭىسكە جەتكەنىن جاريالادى. ونىڭ باستى باسەكەلەسى، وپپوزيتسيا اتىنان قاتىسقان سۆەتلانا تيحانوۆسكايا 10,12% داۋىسقا يە بولدى.

تيحانوۆسكايا سايلاۋ قورىتىندىسى بويىنشا ورتالىق سايلاۋ كوميسسياسىنا شاعىم ءتۇسىردى. ەكزيت-پولدىڭ ناتيجەلەرى 9 تامىز كەشكە جاريالانعاننان كەيىن مينسكتىڭ ورتالىعىندا جانە رەسپۋبليكانىڭ كەيبىر باسقا قالالارىندا جاپپاي نارازىلىق باستالدى. شەرۋگە شىققانداردى قۇقىق قورعاۋ ورگاندارىنىڭ قىزمەتكەرلەرى سوققىعا جىعىپ، كوز جاساۋراتاتىن گاز قولدانعان. ىشكى ىستەر مينيسترلىگىنىڭ حابارلاۋىنشا، ميتينگتەر كەزىندە 6 مىڭنان استام ادام ۇستالدى، بىرنەشە پوليتسيا قىزمەتكەرلەرى مەن دەمونسترانتتار جاراقات الدى.

ەلدەگى احۋالدان كەيىن ەۋروپالىق وداق پەن اقش بەلارۋسكە سانكتسيا ەنگىزۋ ماسەلەسىن قاراستىرىپ جاتىر. سانكتسيا 21 قىركۇيەكتە كۇشىنە ەنۋى ءتيىس. رەسمي وكىلدەر سانكتسيا ءتىزىمىن كەڭەيتۋگە بولاتىنىن ايتتى. سانكتسيا ماقساتى – بەلارۋس بيلىگى مەن وپپوزتسياسى اراسىنداعى كەلىسسوزدەردى باستاۋ.

"The Qazaq Times"