ءۇندىستان پرەمەر-ءمينيسترى نارەندرا ءموديدىڭ Twitter پاراقشاسىنا حاكەرلىك شابۋىل جاسالدى دەپ حابارلادى NDTV تەلەارناسى.
حاكەرلەر «narendramodi_in» اككاۋنتىنا قول جەتكىزىپ، ءۇندىستان ۇكىمەت باسشىسى قۇرعان ۇلتتىق كومەك قورىنا كريپتوۆاليۋتا تۇرىندە قايىرىمدىلىق جاساۋ تۋرالى جازبا جاريالاپ، ءوتىنىش بىلدىرگەنى بەلگىلى بولعان.
Twitter وكىلى «ءبىز بۇل ارەكەتتەن حاباردارمىز جانە ءبىز بۇزىلعان پاراقشا ءۇشىن شارالار قابىلدادىق، ءىستىڭ بارىسىن زەرتتەپ جاتىرمىز. قازىرگى ۋاقىتتا ءبىز تاعى قانداي پاراقشالارعا زيان كەلتىرگەنىن بىلمەيمىز»، - دەپ مالىمدەدى.
16 شىلدەدە حاكەرلەر اقش-تىڭ بۇرىنعى ۆيتسە-پرەزيدەنتى دەموكرات وكىلى بايدەننىڭ Twitter-دەگى اككاۋنتىن بۇزعانى بەلگىلى بولاتىن. سونىمەن قاتار، Tesla جانە SpaceX كومپانيالارىنىڭ باسشىسى يلون ماسك، مايكروسوفتتىڭ نەگىزىن سالۋشى بيلل گەيتس، امازونكانىڭ يەسى دجەفف بەزوس، قارجىگەر ۋوررەن باففەت جانە اقش-تىڭ بۇرىنعى پرەزيدەنتى باراك وباما قاتارلى تانىمال تۇلعالاردىڭ پاراقشالارى وسىعان دەيىن كيبەرشابۋىلعا ۇشىرادى.
بەلگىسىز حاكەرلەردىڭ زاڭسىز ارەكەتتەرى ناتيجەسىندە Twitter الەۋمەتتىك جەلىسىنىڭ 130-عا تارتا اككاۋنتى بۇزىلدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟