Рамазан Қадыров және қызы Айшат Қадырова. Фото: Грозный-информ.

Шешенстан президенті Рамазан Қадыровтың қызы Айшат Қадырова мәдениет министрінің бірінші орынбасары болып тағайындалды. АҚШ-тың санкция тізімінде Рамазан Қадыровпен қатар қызының да есімі бар.

Министрдің орынбасары болған Қадырова бұған дейін Шешенстандағы Firdaws атты компанияға (ким-кешек шеберханасы) жетекшілік еткен. Негізінен мұсылман әйелдеріне арналған киім-кешек жобалау және тігумен айналысатын шеберхананың негізін Рамазан Қадыровтың жұбайы 2009 жылы қалаған. Шешен бренді саналатын Firdaws бір жыл бұрын Париж, Мәскеу және Дубай қалаларында өткен сән (мода) көрмелеріне қатысқан болатын.

1998 жылдың тумасы Айшат Қадырова Шешенстан Мемлекеттік Университеті Экономика факультетінің түлегі. 2016 жылы әкесінің жақын досына келін болған. Әлеуметтік желілерде оның "Шешенстан ханшайымы" деген бей ресми аты да бар.

“The Qazaq Times”