گەرمانيادا كوروناۆيرۋس ىندەتى قايتا ءورشي تۇسكەنى ءمالىم بولدى. كارانتين شارالارى الىنىپ، جاڭا وقۋ ماۋسىمى باستالعاننان كەيىن مەكتەپتەر ىندەت وشاعىنا اينالۋى مۇمكىن دەگەن بولجامدار بار. ەكى اپتا بۇرىن گەرمانيادا وقۋشىلارى مەكتەپتەرىنە ورالعان بولاتىن. الايدا، ەل ۇكىمەتى بەرليندەگى 825 مەكتەپتىڭ 41-ىندە COVID-19 ىندەتى تىركەلگەنىن حابارلادى.
ينفەكتسيانى ءار ءتۇرلى جاستاعى مەكتەپ وقۋشىلارى جۇقتىرعان. باستاۋىش، جوعارى سىنىپ وقۋشىلارىنان دا اۋرۋ بەلگىلەرى بايقالعان. سوندىقتان جۇزدەگەن وقۋشى مەن مۇعالىم كارانتينگە جاتقىزىلعان.
اقش ءبىلىم مينيسترلىگى بۇنداي جاعداي قۇراما شتاتتارداعى مەكتەپتەردە دە تىركەلگەنىن مالىمدەدى. ال، فرانتسيا مەكتەپتەرى ءبىر اپتادان كەيىن ساباق باستايتىنلدىقتان، 11 جاستان اسقان بالالارعا بەت پەردە تاعۋ مىندەتتەلدى. سونداي-اق الداعى اپتالاردا ۇلىبريتانيا مەن شوتلانديادا وقۋشىلار مەكتەپتەرىنە ورالادى.
بۇعان قوسا، يزرايلدە كوروناۆيرۋس مەكتەپ جاسىنداعى بالالار اراسىندا تارالۋ بايقالعان. كوپتەگەن ەلدەردە جاڭا وقۋ ماۋسىمى باستالۋعا جاقىن. الايدا، پاندەميا كەزىندە وقۋشىلاردىڭ مەكتەپكە جينالۋى ەلدەردىڭ دەنساۋلىق ساقتاۋ سالاسىن الاڭداتىپ وتىر.
ەلىمىزدە دە 1 قىركۇيەكتە العاشقى قوڭىراۋ ءۇنى ەستىلۋ كەرەك ەدى، الايدا كارانتين شارالارىنا بايلانىستى نەگىزگى وقۋ ونلايىن فورماتتا جۇرگىزىلەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟