جاپونيا قىتايدان اسكەري ارانداتۋ ارەكەتىن توقتاتۋدى تالاپ ەتتى

جاپونيا ۇكىمەتى قىتايدىڭ شىعىس قىتاي تەڭىزىندەگى داۋلى ارالدار ماڭىندا ارەكەت ەتۋىنە الاڭداۋشىلىق ءبىلدىردى جانە قىتايدى بۇنداي اسكەري ارانداتۋلاردى توقتاتۋعا شاقىردى.

سەيسەنبىدە  جاپونيانىڭ قورعانىس ءمينيسترى تارو كونو توكيوداعى قىتاي ەلشىسى كوڭ حەن ۋ مەن كەزدەسىپ، قىتايدىڭ سەنكاكۋ ارالدارىنا جانە وڭتۇستىك قىتاي تەڭىزىندەگى اسكەري جاتتىعۋلارىنا الاڭداۋشىلىق ءبىلدىرىپ، قىتايدان سەنكاكۋ ارالدارىنا جاقىن جەردە اسكەري ارەكەت جاساماۋعا شاقىردى. 40 مينۋتقا سوزىلعان بۇل كەزدەسۋ قىتايدىڭ ءوتىنىشى بويىنشا وتكەن.

وتكەن ايدا جاپونيا ۇكىمەتى قىتاي كەمەلەرىن جاپون تەڭىز ايدىنىنا بىرنەشە رەت كىردى دەپ ايىپتاعان. 4 تامىزدا ءباسپاسوز ءماسليحاتىندا قىتاي كەمەلەرىنە بايلانىستى جاپونيا قورعانىس ءمينيسرى كونو: "جاپونيا قورعانىس كۇشتەرى جاپون تەڭىز قاۋىپسىزدىگى بولىمىمەن بىرلەسە وترىپ، قاجەت بولعان جاعدايدا ارەكەتكە كوشەدى", - دەگەن.

وتكەن ايدا قىتاي دياويۋداو ارالدارىنىڭ قىتاي جەرى ەكەنىن، قىتايدىڭ وندا قۇقىق قورعاۋ قىزمەتىمەن اينالىسۋعا قۇقىعى بار ەكەنىن تاعى ءبىر مارتە مالىمدەگەن.

Reuters اگەنتتىگى قىتايدىڭ سەنكاكۋ ارالدارى ماڭىندا بالىق اۋلاۋ الداعى جەكسەنبىدە اياقتالاتىنىن، ال جاپون تارابى ايماققا كوپتەگەن قىتاي كەمەلەرى مەن بالىقشىلار كەمەسى كىرەدى دەپ الاڭدايدى. بىراق جەرگىلىكتى قىتاي بيلىگى جەرگىلىكتى بالىقشىلارعا سەنكاكۋ ارالدارىنا بارماۋ تۋرالى ەسكەرتكەن. Reuters اگەنتتىگى بۇل قادامعا قىتاي جاپونيامەن شيەلەنىستى جەڭىلدەتۋ ءۇشىن بارىپ وتىر دەپ سانايدى.

"The Qazaq Times"