بۇگىن حالىقارالىق جاستار كۇنىندە سوت بەلسەندى ءاسيا تولەسوۆانىڭ 1 جىل 6 ايعا باس بوستاندىعىن شەكتەدى.

بۇگىن الماتى قالاسىنىڭ مەدەۋ اۋداندىق سوتى قاماۋداعى بەلسەندى ءاسيا تولەسوۆانى كىنالى دەپ تانىپ، 1 جىل 6 ايعا باس بوستاندىعىن شەكتەۋ، 20 اەك (55 560 تەڭگە) كولەمىندە ايىپپۇل تولەۋ جانە پروباتسيالىق باقىلاۋدا بولۋ جازاسىنا كەستى.

ۇكىمدى سۋديا تاكەن شاكىروۆ وقىدى. سوت ونلاين رەجيمدە ءوتتى. بۇعان دەيىنگى سوت وتىرىسىندا ءاسيا تولەسوۆا جابىرلەنۋشى 6 پوليتسيا قىزمەتكەرىنەن كەشىرىم سۇراعان. بىراق وزىنە تاعىلعان ايىپپەن كەلىسپەيتىنىن ايتقان.

بەلسەندى ءاسيا تولەسوۆا 6 ماۋسىمدا الماتى قالاسىندا وتكەن ميتينگىدەن كەيىن ۇستالعان. ول نارازىلىق كەزىندە پوليتسيا قىزمەتكەرىنىڭ فۋراجكاسىن قاعىپ تۇسىرگەن. بىراق بەلسەندىگە قارسى قوزعالعان قىلمىستىق ىستە نۇربەك تەمىرحانوۆ، مەيىرجان تۇرعانبەك، ەرنات سابالاقوۆ، تاسقىن تالدىباەۆ، ۇلان ابيبۋللا، تىلەك تولەگەنوۆ ەسىمدى التى بىردەي ءجابىر كورگەن پوليتسيا قىزمەتكەرى بار.

"The Qazaq Times"