ازاندى رەميكس ەتكەن ديدجەي باس بوستاندىعىنان ايىرىلدى

تۋنيس سوتى بريتاندىق ديدجەيدى تۇنگى كلۋبتاردىڭ بىرىندە مەشىتتەردە وقىلاتىن ازاندى رەميكس ەتىپ، مۇسىلمانداردىڭ رۋحاني قۇندىلىعىن سىيلاماعاندىعى ءۇشىن ءبىر جىلعا تۇرمەگە جابۋ تۋرالى ۇكىم شىعاردى. 

ءبىراز ۋاقىت بۇرىن ءتۋنيستىڭ حاممامەت كۋرورتتىق قالاشىعىنداعى تۇنگى كلۋبتاردىڭ بىرىندە ديدجەي ازاننىڭ رەميكسىن ويناتىپ جاتقان ۆيدەوسى پايدا بولعان. ۆيدەو جەلىگە شىققان كەزدە -اق تۇنگى كلۋب جابىلىپ، حالىق اراسىندا ۇلكەن سىنعا ۇشىرادى. كەيىننەن الگى "تۋىندىنىڭ" اۆتورى دا تەمىر تورعا توعىتىلعان بولاتىن.

گرومباليا سوتى وكىلىنىڭ مالىمدەمەسىنە سايكەس Dax J دەگەن لاقاپ اتپەن ونەر كورسەتىپ جۇرگەن ديدجەي ادەپسىز قىلىعى ءۇشىن 6 ايعا جانە قوعامدىق ءمورالدى قورلاعانى ءۇشىن 6 التى ايعا، جالپى 1 جىلعا باس بوستاندىعىنان ايىرىلعان.

سونىمەن قوسا، سوت كلۋبتىڭ يەسى مەن Orbit Festival فەستيۆالىنىڭ ۇيىمداستىرۋشىلارىن كىناسىز دەپ تاپتى.

وسى دۇيسەنبىدە فەستيۆال ۇيىمداستىرۋشىلارى وزدەرىنىڭ فەيسبۋكتاعى پاراقشالارىندا بارشا كوپشىلىكتەن كەشىرىم سۇراپ، ەشكىمنىڭ رۋحاني سەنىمىن قورلاۋدى ويلاماعاندىقتارىن ايتۋدا.

ال ديدجەي Dax J: "مەنىڭ ەشقانداي ارام ويىم بولعان جوق، ەشكىمنىڭ كوڭىلىنە ءتيىپ، سەنىمىن، رۋحاني تانىم-تۇسىنىگىن قورلاۋدى ماقسات ەتكەن ەمەسپىن" - دەپ وتىر.

“The Qazaq Times”