ۇلىبريتانيا پرەمەر-ءمينيسترى بوريس دجونسون جاپپاي ۆاكتسيناتسيالاۋعا قارسى شىققانداردى سىنعا الدى. ار اگەنتتىنىڭ حابارلاۋىنشا، دجونسون كوروناۆيرۋستى جەڭۋ ءۇشىن حالىق ەكپە قابىلداۋى ءتيىس دەپ سانايدى.
مينيستر لوندونداعى اۋرۋحانالاردىڭ ءبىرىنىڭ مەيىربيكەلەرىمەن كەزدەسۋ كەزىندە: «قازىر ەكپەلەرگە قارسىلىق تانىتۋشىلار كوپ. ولاردىڭ ەسى دۇرىس ەمەس» دەپ بىرنەشە رەت قايتالاعان. الداعى ۋاقىتتا ۇلىبريتانيا بيلىگى الداعى ۋاقىتتا حالىقتى تۇماۋعا قارسى ەگۋ بويىنشا اۋقىمدى شارا وتكىزۋدى جوسپارلاپ وتىر. ازاماتتاردىڭ كەي توبىن تەگىن ەگۋ دە قاراستىرىلعان. مۇنىمەن قاتار جەرگىلىكتى بيلىك كوروناۆيرۋستىڭ ەكىنشى تولقىنى الدىندا دەنساۋلىق ساقتاۋ سالاسىنا تۇسەتىن جۇكتى جەڭىلدەتۋدى كوزدەپ وتىر
بۇعان دەيىن بىرىككەن كورولدىك BioNtech, Pfizer جانە Velneva كومپانيالارى وندىرەتىن ۆاكتسينانىڭ 90 ملن دوزاسىنا تاپسىرىس بەردى. اڭگىمە ەكى ەكپە جايلى ءوربىپ وتىر. ەل بيلىگى گەنەتيكالىق كود فراگمەنتى بار ۆاكتسينانى ازىرلەيتىن BioNtech جانە Pfizer اليانسىنا 30 ملن دوزاعا، ال Valneva كومپانياسىنا 60 ملن كولەمىندە تاپسىرىس بەرگەن.
سونىمەن قاتار ۇلىبريتانيا وكسفورد ۋنيۆەرسيتەتى مەن AstraZeneca كومپانياسى بىرلەسىپ ازىرلەگەن ۆاكتسينانىڭ 100 ميلليون دوزاسىنا تاپسىرىس بەرگەن بولاتىن. وعان رەسەي دە قىزىعۋشىلىق تانىتىپ وتىر. ەكى كۇن بۇرىن «ر-فارم» رەسەيلىك كومپانياسى ۆيرۋسقا قارسى ەكپە سىناقتان ءساتتى وتسە، وزگە مەملەكتەتەرمەن كەلىسىمشارت جاسايتىنىن حابارلادى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى