بريتان-قىتاي ديپلوماتيالىق قايشىلىعى كۇن ساناپ ۋشىعىپ كەلەدى. ءبىر كۇن بۇرىن بريتانيا ۇكىمەتى گونكونگتا شەتەلدەگى بريتان ازاماتى (BNO) تولقۇجاتى بار تۇرعىندارعا جاڭا ارنا اشقانىن مالىمدەدى. بەيجىڭ لوندوننىڭ بۇل ارەكەتىن ساياسي ارانداتۋ دەپ ايىپتادى.

بريان ۇكىمەتىنىڭ وكىلى پريتي پاتەل جاساعان مالىمدەمەدە، 2021 جىلدىڭ قاڭتار ايىنان باستاپ BNO تولقۇجاتى بار گونكونگ تۇرعىندارىنىڭ بريتانياعا ۆيزا الۋ ءۇشىن ءوتىنىش بەرە الاتىنىن جەتكىزدى. بۇل ۆيزا ارقىلى گونكونگ تۇرعىندارى بريتان ازاماتى بولۋعا دا ءوتىنىش بەرە الادى.

لوندون بيلىگىنىڭ بۇل ارەكەتىن ايىپتاپ، قىتاي تارابى قاتاڭ جاۋاپ قايتاراتىنىن ايتتى. قىتاي ءسىم-ءى تاراتقىن مالىمدەمەدە بريتانياعا جاۋاپ رەتىندە ۇلتتىق تولقۇجاتىن قىتاي تەرريتورياسىندا جارامسىز ەتۋى دە مۇمكىن ەكەنى ايتىلعان.

بەيجىڭ تاراپ سونداي-اق، لوندون شەشىمى ساياسي ارانداتۋ قاتارىندا باعالاناتىنىن ايتسا، بريتان بيلىگى بەيجىڭنىڭ گونكونگقا ەنگىزگەن جاڭا "ۇلتتىق قاۋىپسىزدىك تۋرالى" زاڭى ەكى ەل اراسىنداعى جانە حالىقارالىق ورتاق كەلىسىمدەرگە قايشى ەكەنىنىن العا تارتادى. بۇل بريتان-قىتاي قاتىناسىنىڭ كۇردەلى ديپلوماتيالىق قايشىلىققا بەت بۇرعانىن كورسەتەدى. وقيعالاردىڭ دامۋىنا قاراپ، الداعى ۋاقىتتا تاراپتار ءبىر-ءبىرىنىڭ ەلشىلىكتەرىن جابۋى دا، ءتىپتى اسقىنا تۇسسە ديپلوماتيالىق قاتىناستارىن ءۇزۋى دە مۇمكىن.

"The  Qazaq Times"