فرانتسيا ۇكىمەتى Huawei قۇرىلعىلارىن 5G ءموبيلدى جەلىلەرىنەن شەتتەتۋدى جوسپارلاپ وتىر.

Reuters اگەنتتىگىنىڭ حابارلاۋىنشا، فرانتسۋزدىق كيبەرقاۋىپسىزدىك اگەنتتىگى (ANSSI) فرانتسيانىڭ ءىرى قالالارىنداعى بايلانىس وپەراتورلارىنا Huawei قۇرىلعىسىن قولدانۋعا بولاتىنىن، بىراق كەلىسىمشارت مەرزىمى اياقتالعاننان كەيىن جالعاستى ليتسەنزيا بەرىلمەيتىنىن مالىمدەدى.

Huawei قۇرىلعىلارىنا فرانتسيا ۇكىمەتىنىڭ ليتسەنزياسى ءۇش-بەس جىلعا دەيىن، ال ەۋروپالىق Ericsson, Nokia كومپانيالارىنا ارنالعان ليتسەنزيا سەگىز جىلعا جارامدى. بۇل فرانتسيا ۇكىمەتىنىڭ Huawei قۇرىلعسىن بىرتىندەپ توقتاتىپ، 2028 جىلعا قاراي بارلىق Huawei قۇرىلعىسىن فرانتسۋز 5G جەلىسىنەن شىعارۋدى جوسپارلاعان.

Bouygues Telecom جانە Altice Europe SFR كومپانيالارى قولدانىستاعى 4G جەلىلەرىنە Huawei قۇرىلعىلارىن قولدانعانىن جانە 5G جەلىلىك قۇرىلعىسىنىڭ ليتسەنزياسىندا قولدانىستاعى ۇيالى جەلىلەرى قامتىلعان دەپ مالىمدەدى. بۇل ەكى فرانتسۋزدىق كومپانيا Huawei-دان باس تارتسا، 4G جەلىسىنىڭ ينفراقۇرىلىمىن اۋىستىرۋى كەرەك دەگەندى بىلدىرەدى. ەكى كومپانيا Huawei قۇرىلعىسىن اۋىسترعان جاعدايدا ۇكىمەت وتەماقى تولەۋى كەرەك دەپ مالىمدەدى.

قازىرگى ۋاقىتتا فرانتسيانىڭ باسقا كومپانيالارى نەگىزىنەن Ericsson جانە Nokia كومپانيالارىنىڭ بايلانىس قۇرالدارىن پايدالانادى. فرانتسۋزدىق كيبەرقاۋىپسىزدىك اگەنتتىگى كومپانيالارعا Huawei جابدىعىنا اۋىسۋدان اۋلاق بولۋ كەرەك دەدى. سەبەبى 5G ءموبيلدى تەحنولوگياسىنا ينۆەستيتسيادان قايتارىم پايدا الۋ ءۇشىن كەم دەگەندە سەگىز جىل قاجەت، ال «ءۇش جىلدىق كەلىسىم تىكەلەي باس تارتقانمەن بىردەي» دەدى.

Reuters فرانتسيانىڭ كيبەرقاۋىپسىزدىك اگەنتتىگىنىڭ شەشىمى ءالى كوپشىلىككە جاريا بولماعانىن. فرانتسيانىڭ پرەمەر-ءمينيسترى كەڭسەسىنىڭ 5G-عا جاۋاپتى وكىلى ANSSI اگەنتتىگى تەلەكوممۋنيكاتسيا وپەراتورلارىمەن زاڭ اياسىندا جۇمىس ىستەپ جاتقانىن جانە وسى ۋاقىتقا دەيىن ماقۇلدانعان كەز-كەلگەن ليتسەنزيا بولاشاقتا ليتسەنزيانىڭ جاڭارتۋعا نەمەسە قىزمەتىن توقتاتۋ تۋرالى شەشىمدەرگە اسەر ەتپەيتىنىن ايتتى.

"The Qazaq Times"