AmadNews جاڭالىقتار پورتالىنىڭ جەتەكشىسى، وپپوزيتسيالىق جۋرناليست رۋحوللا زام شەتەلدىك بارلاۋ جانە ۇكىمەتكە قارسى ءىس-قيمىلمەن بايلانىس ورناتتى دەگەن كۇدىكپەن ءولىم جازاسىنا كەسىلدى. بۇل تۋرالى يران جوعارعى سوتىنىڭ رەسمي وكىلى گوليام حوسەين يسمايلي Tasnim اگەنتتىگىنە مالىمدەدى.
14 قازاندا IRNA يسلام رەۆوليۋتسيالىق ساقشىلار كورپۋسىنىڭ (IRGC – يران قارۋلى كۇشتەرىنىڭ ەليتالىق بولىمشەلەرى) كۇشتەرىنىڭ زامدى ۇستاعانى تۋرالى اقپارات جاريالادى. وعان ۇكىمەتكە قارسى ءىس-قيمىل جانە فرانتسيا، اقش، يزرايلدەگى بارلاۋ ورگاندارىمەن ىنتىماقتاستىق جاسادى دەگەن ايىپ تاعىلىپ وتىر. كەيىن يران اقپارات قۇرالدارى Amad News باسشىسىنىڭ ۇستالعانى جايلى ۆيدەو جاريالادى.
رۋحوللا زام يران ءجۋرناليسى جانە ازاماتتىق بەلسەندى رەتىندە تانىمال. 2018 جىلى يران بيلىگى ءجۋرناليستىڭ Amadnews جوباسى حالىقتى بيلىككە قارسى ايداپ سالدى دەپ ايىپتاپ، Tەlegram بۇعاتتاعان. كوپ ۇزاماي جوبا جاڭا اتپەن قايتا جانداندى.
بىلتىر قازاندا يسلام رەۆوليۋتسيالىق ساقشىلار كورپۋسى «ارنايى وپەراتسيا» كەزىندە فرانتسيادان ساياسي باسپانا العان زامدى ۇستاعان.
جۋرناليست 2017-2018 جىلدارى يرانداعى نارازىلىق اكتسيالارىن تسەنزۋراسىز، اشىق جاريالاۋدا بەلسەندىلىك تانىتقان. رەسمي مالىمەتتەر بويىنشا، سول جىلدارى نارازىلىقتار كەزىندە 21 ادام قايتىس بولىپ، مىڭداعان ادام قاماۋعا الىنعان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى