قىتاي پورتتى ايماقتارداعى ۇلتتىق قاۋىپسىزدىك تۋرالى داۋلى زاڭ جوباسىن اقىرى قابىلدادى. اقش ۇكىمەتى مەن گونكونگتاعى دەموكراتيا بەلسەندىلەرى بۇل ارەكەت گونكونگ تۇرعىندارىنىڭ ەركىندىگنە قول سۇعادى دەپ سانايدى.

سەيسەنبىدە قىتاي حالىقتىق كونگرەسىنىڭ وترىسىندا قابىلدانعان زاڭدا "مەملەكەتتىك بيلىكتى قۇلاتۋ اكتىلەرىمەن، تەرروريزممەن، سەپاراتيزممەن جانە شەتەلدىك كۇشتەرمەن بايلانىسىبارلارمەن كۇرەسۋ ءۇشىن ورتالىق ۇكىمەتتىڭ گونكونگتا ۇلتتىق قاۋىپسىزدىك كەڭسەسىن قۇرۋ" تالاپ ەتىلگەن. الايدا جاڭا زاڭنىڭ تولىق مازمۇنى ءالى جاريالانعان جوق.

بۇل ءشيجينپيڭنىڭ (سي تسزينپين) سوڭعى جىلدارداعى گونكونگتى باقىلاۋدا ۇستاۋداعى باتىل قادامى، بەلسەندىلەردىڭ گونكونگتا كوبىرەك نارازىلىق اكتسيالارىن وتكىزۋىنىڭ باستى سەبەبى دە سول.

ەسكە سالا كەتەيىك، 2019 جىلى وسىعان ۇقساس زاڭ جوباسىنا (گونكونگتا زاڭ بۇزۋشىلاردى قىتايدا جازالاۋ) قارسى نارازلىق اكتسياسىنا ميليوننان استام ادام شىققان بولاتىن. بۇل ميتينگ ادام سانى جاعىنان الەمدىك رەكورد بولىپ تىركەلگەن.

بۇل زاڭنىڭ قابىلدانۋىنا قارسى حالىق نارازىلىق اكتسياسىن وتكىزۋگە شاراسىز، سەبەبى كوروناۆيرۋسقا بايلانىستى كارانتيندىك شەكتەۋلەر ادامداردىڭ كوپ شوعىرلانۋىنا رۇقسات بەرمەي وتىر.

"The Qazaq Times"