Жексенбіде АҚШ вице-президенті Майк Пенс ел жастарының індетке қарсы сақтық шараларын қолданбауы себепті соңғы күндері коронавирус жұқтырушылар саны күрт көбейіп кеткенін мәлімдеді.

Вице-президент CBC агенттігіне берген сұхбатында: « Коронавирустық тестілеуді күніне 500 мың адамға дейін жеткіздік, сол себепті де вирус анықталғандар саны көбейді. Дегенмен, ел жастары карантин талаптарын орындамағаны себепті соңғы күндері вирус жұқтырғандар саны күрт өсіп жатыр», – деген.

Соңғы күндері АҚШ-тың Флорида, Техас және Аризона штаттарында індетке шалдыққандар саны еселеп өсіп жатыр. Өткен жұмада Құрама Штаттарда бір күнде 40 мың адамнан Covid-19 індеті табылып, соңғы жарты жылдағы рекордтық көрсеткішті жаңартқан еді.

Флорида мен Аризонадағы вирус жұқтырушылардың санының көбеюіне байланысты, Пенс осы аптада екі штатқа жоспарланған іс-сапарын кейінге қалдырды. Пенс мәлімдемесінде, жыл басымен салыстырғанда АҚШ-та науқастарды емделу жағынан жақсы нәтиже көрсеткенін және коронавирус жұқтырған науқастарды емханаға жатқызуды көбейткенін айтты.

Президент Трамп пен вице-президент Пенс Флорида мен Техас губернаторларына шектеу шараларын күшейтіп, аталған штат тұрғындарының өзге штаттарға ағылуын тоқтатуға шақырған.

“The Qazaq Times”