جەكسەنبى كۇنى دۇنيە ءجۇزى بويىنشا كوروناۆيرۋس انىقتالعاندار سانى جاڭا رەكورد ورناتتى. 24 ساعات ىشىندە الەم بويىنشا 184 مىڭ ۆيرۋس جۇقتىرعان ادام تىركەلدى. ونىڭ باسىم كوبى وڭتۇستىك جانە سولتۇستىك امەريكادا تىركەلگەن. دۇنيەجۇزىلىك دەنساۋلىق ساقتاۋ ۇيىمى ۇكىمەتتەرگە ساقتىق شاراسىن كۇشەيتۋدى ەسكەرتۋدە.

ەۋروپادا ىندەت جاعدايى ءسال بولسا دا سايابىرلاعان. ەو ەلدەرى كارانتين شارالارىن بىرتىندەپ قىسقارتىپ جاتىر. الايدا، گەرمانيادا ۆيرۋس جۇقتىرعاندار سانى قايتا كوبەيدى.

ال، لاتىن امەريكاسىندا ىندەتتەپ ەڭ كوپ جازداپ شەگىپ جاتقان ەلدەردىڭ ءبىرى برازيليا ءتىپتى قيىن جاعدايدا قالدى. ەلدە ۆيرۋس جۇقتىرىپ العاندار سانى كۇرت كوبەيىپ كەتكەنىن مەملەكەتتىك اقپارات قۇرالدارى جازىپ جاتىر. ەل ازاماتتارىنان ميلليوننان استام ادام ينفەكتسيا جۇقتىرعان. برازيليا Covid-19 ۆيرۋسىن جۇقتىرىپ قازا بولعان ادام سانى بويىنشا دا اقش-تان كەيىنگى ەكىنشى ورىندا تۇر.

ەلدىڭ دەنساۋلىق ساقتاۋ مينيسترلىگى جاريا ەتكەن ەسەپكە قاراعاندا، اپتا سوڭىنداعى ءبىر تاۋلىكتە برازيليادا ىندەتتەن كوز جۇمعاندار سانى مىڭنان اسقان. ەلدەگى ساياسي وپپوزيتسيا ىندەتكە قارسى ۇكىمەتتىڭ سالقىرت ارەكەتتەرى ءۇشىن ەل پرەزيدەنتى جايرا بولسونارۋدى ايىپداپ جاتىر. مامانداردىڭ ايتۋىنشا ەلدە ىندەتتىڭ شارىقتاۋ شەگى ءالى الدا ەكەن.

ورتا شىعىستا يران جۇرتى ىندەتتەن اۋىر زارداپ شەگىپ جاتىر. سوڭعى ءۇش تاۋلىكتە ءار سوتكەدە قازا بولعاندار سانى 100-دەن از بولعان جوق. ال، اپتانىڭ سوڭعى كۇنى 2368 جاڭا ناۋقاس تىركەلدى. ەلدە، مايدىڭ سوڭىنا قاراي ىندەت جاعدايى باسەڭدەپ قالىپ ەدى، ماۋسىمنىڭ باسىنان بەرى قايتا كۇش الىپ كەتتى.

قىتاي بولسا كوروناۆيرۋس ىندەتىنىڭ ەكىنشى تولقىنىن توقتاتىپ قالۋعا تىرىسىپ جاتىر. جەكسەنبى كۇنى ۆيرۋس انىقتالعاندار سانى 220 ادام بولدى. ورتالىق قالاسى بەيجىڭدە شەكتەۋ شارالارى كۇشەيتىلگەن.

“The Qazaq Times”