Covid-19 ىندەتىن جۇقتىرۋشىلاردىڭ سانى ارتۋىنا بايلانىستى ەندى دەمالىس كۇندەرى استانا مەن الماتى قالالارىندا  كارانتين شارالارى كۇشەيتىلەدى.

الماتىدا ۆيرۋستىڭ تارالۋىن اۋىزدىقتاۋ ءۇشىن ەنگىزىلگەن شەكتەۋ شارالارىنا بايلانىستى پوليتسيانىڭ كەزەكشىلىگى كۇشەيتىلگەن رەجيمگە كوشتى.

پوليتسيا پاركتەر،سكۆەرلەر، جاعاجايلار مەن ويىن-ساۋىق ورتالىقتارى ورنالاسقان اۋدانداردى ءجىتى باقىلاۋىندا ۇستاپ وتىر.

كارانتين شارالارىنىڭ قىسقا مەرزىمدىك كۇشەيۋىنە بايلانىستى الماتى قالالىق پوليتسيا دەپارتامەنتىنىڭ باسشىسى قانات تايمەردەنوۆ  «تۇرعىندار اراسىندا دا ءتۇسىندىرۋ جۇمىستارىن بەلسەندى تۇردە جۇرگىزىپ جاتىرمىز. ءار ادامنىڭ پاندەميا قاۋپى مەن ونىڭ تارالۋ اۋقىمىن ءتۇسىنىپ،ۆيرۋسپەن كۇرەستە ءوز ۇلەستەرىن قوسقاندىعى ماڭىزدى. سانيتارلىق جانە گيگيەنالىق تازالىقتى ساقتاۋعا جانە مەديتسينالىق ماسكانى تاعىپ جۇرۋگە تاعى دا شاقىرامىن. الەۋمەتتىك ارا-قاشىقتىقتى دا ساقتاۋدى ۇمىتپاڭىزدار» دەپ مالىمدەمە جاسادى.

ال، استانا قالاسىندا پوليتسەيلەر كۇشەيتىلگەن رەجيدە جۇمىس ىستەپ، تۇرعىنداردى داۋىس كۇشەيتكىش ارقىلى ۆيرۋستان قورعانۋ شارالارىن ساقتاۋعا شاقىرىپ ءجۇر.

ۆەدومستۆوارالىق كوميسسيا استانا، الماتى، قاراعاندى، شىمكەنت، پاۆلودار جانە ەكىباستۇز قالالارىنداعى ەپيدەميولوگيالىق جاعدايدى تۇراقتاندىرۋ ءۇشىن دەمالىس كۇندەرىندە قوسىمشا شەكتەۋ شارالارىن ەنگىزگەن بولاتىن.

"The Qazaq Times"