قىركۇيەككە جوسپارلانعان بۇۇ باس اسسامبلەياسىنىڭ 75-سەسسياسى مەملەكەت پەن ۇكىمەت باسشىلارىنىڭ قاتىسۋىنسىز، ونلاين وتەدى.

قازىرگى ۋاقىتتا مەملەكەت باسشىلارىنىڭ قاشىقتان جاسايتىن باياندامالارى قاي رەتپەن وتەتىنى جانە قالاي اۋدارىلاتىنى تالقىلانىپ جاتىر. بۇۇ-نا مۇشە ەلدەردىڭ كۇزگە جوسپارلانعان وزگە ماڭىزدى كەزدەسۋلەرى دە بەينەپلاتفورماعا اۋىستىرىلادى. بۇل جونىندە بۇۇ باس اسسامبلەياسىنىڭ توراعاسى: «باس اسسامبلەيا وتەتىن كەزدە قانداي مەديتسينالىق نۇقساۋ بەرىلەتىنىن بىلمەيمىز. بۇعان قاتىستى اقش ۇكىمەتىنىڭ ۇستانىمى ماڭىزدى بولماق. الداعى ەكى اپتادا وتەتىن كەڭەستەر ناتيجەسىندە بۇل باسقوسۋدىڭ قالاي وتەتىنى انىق بولادى دەگەن ۇمىتتەمىن. جالپى قىركۇيەك ايىندا مەملەكەت پەن ۇكىمەت باسشىلارى نيۋ-يورككە كەلەدى دەپ بولجاپ ايتۋ قيىن»، - دەيدى.

ۇيىم وكىلدەرى ۇسىنعان رەسمي مالىمەتتەر بويىنشا، جالپىعا بىردەي پىكىرتالاس جوسپار بويىنشا بيىل 22 مەن 29 قىركۇيەك ارالىعىندا وتەدى. باس اسسامبلەيا ماجىلىستەر زالىندا وتەتىن اشىلۋ سالتاناتىنا 75-سەسسيا پرەزيدەنتى جانە بۇۇ باس حاتشىسى قاتىسادى. ال ۇيىمعا مۇشە ەلدەردىڭ مەملەكەت باسشىلارى نەمەسە مينيسترلەرى الدىن الا جازىلعان بەينەباياندامالار جاسايدى.

"The Qazaq Times"