(تۇركيا كۇركەبايۇلىنا ارنايمىن)

 

قۇسى عايىپ بولسا دا عۇمىرىڭنىڭ،

ورىنى تاۋعا اينالدى تۇعىرىڭنىڭ.

ءبىلىم سەپكەن ءبىرى ەدىڭ اعاجايداي،

كۇلىن توككەن جۇرتىنا تۇعىرىلدىڭ.

كوكسڭدە تاس تۇمانىڭ كوزىن اشىپ،

بىلىمنەن بۇرلىقپايتىن بۇعى ءمىندىڭ.

جۇرت ۇشىن جۇك كوتەرىگەن قارا نارىم،

جانارىڭدى ىلسەڭ دە تۇرىپ ءىلدىڭ.

تۇركياسىنان ايىرىلعان جۇرت ۇياسى،

تۋ رەتىندە تۇسىردى تۇڭىلىگىن.

 

تۇركيا كىم دەي كورمە قاي انادان؟

تۇلعاسىن ويىن ەمەس وي وراعان.

التىنىنا تويسا دا ادام جەردىڭ،

اقىلىنا جاقسىنىڭ تويا ما ادام.

قاسقىرداي قانداسىنا قاس قىلماعان،

ادالدىق ار-ۇجدانعا باي ابادان.

اعارتۋدىڭ ماۋەلى بايتەرەگى،

وركەنىن سان مىڭ ادام سايالاعان.

كوز جاقۇتىن تاۋىسىپ دوسكا الدىندا،

ءوز باقىتىن وزگەدەن اياماعان.

 

ەرتىس سەن، كوكتەمدە تاسىعان ءور،

مىنەزىڭ بە ءۇپ ەتىپ باسىلعان جەل.

قابىرىڭدى اينالىپ وتكەن ەمەس،

قادىرىڭدى بىلەتىن اقىلمان ەل.

ولەڭ توكپەي وزىڭە تۇرا الام با؟

وتىنعا ەمەس وقۋعا شاقىرعان ەر.

تۋلاعان ساعىنىشىمدى جەتكىزەرسىڭ،

تۇكەڭ سالدى باۋىرىنا جاسىرعان ەل.

 

ارالاپ اۋىلىڭنىڭ كەڭ دالاسىن،

وزگەرتتىڭ قاساڭ قالعان كوز قاراسىن.

ءبىر ەگەي ەڭبەگىڭدى كوردى الاشىڭ،

بىلىمگە جەتەلەدىڭ بەل بالاسىن.

الپىس نارعا جۇك بولار اۋىلىڭا،

اقىلدان ارىپ-شارشاپ بەرگەن اسىڭ.

دوكەيلەردىڭ كوبىسىن ەل باسقارعان،

دوڭبەك ۇيدە وقىتقان سەن عاناسىڭ.

 

وزىڭنەن ءبىلىم العان وگىزبەن كەپ،

ونەردە جۇرگەن ۇلان تەڭىزدەن كوپ.

ۇستازى تۇركياداي بولعاننان سوڭ،

ۇستامى ناشار ەكەن دەگىزگەن جوق.

 

جان ەدىڭ جۇلدىز جانعان كوككە عاشىق،

سول اسپاننان رۋحىڭ كەتكەن اسىپ.

اعارتۋدا قىرىق جىل باسشى بولىپ،

اعاتتىقتى ايتا الدىڭ بەتكە باسىپ.

الپىس جاس جاساعان ايبوزىم-اي،

الپىس جەردەن كەتىپسىڭ مەكتەپ اشىپ.

ولەڭدى وقىعان ورال بوكبايۇلى

"The Qazaq Times"