الەمنىڭ بىرقاتار ەلدەرى Zoom قوسىمشاسىن اقپاراتتىق قاۋىپسىزدىككە نۇقسان كەلتىرەدى دەپ، قارا تىزىمگە ەنگىزدى.

وسى اپتادان باستاپ اقش سەناتى مەن Google كورپوراتسياسى قىزمەتكەرلەرىنە Zoom-مەن ۆيدەوكونفەرەنتسيا وتكىزۋگە تىيىم سالدى.

قىزمەتكەرلەرگە سەرۆيستى پايدالانۋعا تىيىم سالعان العاشقى كومپانيالاردىڭ ءبىرى SpaceX بولدى. ولار بايلانىس ءۇشىن بالاما رەتىندە ەلەكترون پوشتا مەن سمارتفونداعى بەينەقوڭىراۋلاردى قولدانادى. SpaceX عارىش كومپانياسىنان كەيىن ZOOM-دى پايدالانۋعا NASA دا تىيىم سالعان.

مۇنىڭ الدىندا قىزمەتكەرلەر جاپپاي قاشىقتان جۇمىس ىستەۋگە كوشكەننەن كەيىن قوسىمشانى پايدالانۋشىلار سانى ءۇش ايدا 20 ەسەگە وسكەنى ءمالىم بولعان. كۇن سايىن Zoom-دى 200 ميلليون ادام پايدالانادى. كومپانيا باسشىسى ەريك يۋان نەگىزگى رەسۋرستاردى تۇراقتى جۇمىس ءۇشىن جۇمساعانىمەن، Zoom قاۋىپسىزدىكتىڭ ءتيىستى دەڭگەيىن قامتاماسىز ەتە الماعانىن ءتۇسىندىردى.

كوروناۆيرۋس پاندەمياسىنىڭ ورشۋىنە بايلانىستى قازاقستاندا توتەنشە جاعداي ەنگىزىلىپ، وقۋ ورىندارى قاشىقتىقتان وقىتۋعا كوشكەن. ەلدە عالامتوردىڭ ءالسىز جۇمىسىمەن قوسا، مۇعالىمدەر، وقۋشىلار بىرقاتار مەملەكەتتەر قارا تىزىمگە قوسقان Zoom قوسىمشاسىن پايدالنىپ وتىر.

"The Qazaq Times"