![](https://qazaqtimes.com/kk/content/uploads/2020/03/Distantsionnoe_obuchenie_v_kolledzhe_thumb1-800x480.jpg?token=9db4ddcfa25018b4152f3c435602554f)
ورتالىق كوممۋنيكاتسيا قىزمەتىندە وتكەن بريفينگتە ءبىلىم جانە عىلىم ءمينيسترى اسحات ايماعامبەتوۆ بالا-باقشا، مەكتەپ جانە كوللەدج-جوو ساناتىنداعى وقىتۋ پروتسەسى توڭىرەگىندەگى شەشىمدەردى جەتكىزدى.
مينيستر اسحات ايماعامبەتوۆ ءبىلىم سالاسىنداعى قابىلدانعان بىرقاتار شەشىمدەردى تانىستىردى:
- بالا-باقشا جۇمىس ىستەيدى، بىراق اتا-انالارعا مۇمكىن بولسا بالاسىن جىبەرمەۋگە ۇسىنىس جاسايمىز. جاڭا نورما بويىنشا بالا بىرنەشە كۇن كەلمەسە دە ورنى ساقتالاتى بولادى;
- جەكە سەكتورداعى مەكتەپكە دەيىنگى ءبىلىم بەرۋ مەكەمەلەرىندەگى تولەم ماسەلەسى نارىق زاڭدىلىعىنا قاراي رەتتەلەدى. بالا تج-عا بايلانىستى ساباققا قاتىسپاعان كۇندەرىنە اتا-انا تولەم جاسامايدى;
- قوسىمشا ءبىلىم بەرۋ ۇيىمدارى (وقۋشىلار سارايى، ونەر ۇيىرمەلەرى) جۇمىسىن 5 ساۋىرگە دەيىن توقتاتتى;
- ەلدەگى 7300 مەكتەپتى كانيكۋلعا ەرتەرەك شىعاردىق. مۇعالىمدەر ۇيىندە وتىرىپ-اق قاشىقتىقتان جۇمىس جۇرگىزەدى;
- ءبىلىم وليمپيادالارى دا توقتاتىلدى;
- بىلىكتىلىك ارتتىرۋ كۋرستارىنىڭ كوبىن ونلاين فورماتقا كوشتى، باسقاسى ۋاقىتشا توقتادى;
- وقۋشىلاردى ىنتالاندىرۋ-ماراپاتتاۋعا ارنالعان «بالداۋرەن»، «بوبەك» ءتارىزدى لاگەرلەر دە ءتيىستى ۋاقىتقا دەيىن ءوز جۇمىسىن توقتاتتى;
- كوللەدج بەن جوو قاشىقتىقتان وقىتۋ فورماتىنا كوشتى;
- جاتاقحانادان باسقا بارار جەرى جوق ستۋدەنتتەرگە «كارانتين ەرەجەلەرىن» قاتاڭ ساقتاپ قالۋىنا رۇقسات بەرىلەدى;
- بالالار ۇيىندە دە شەكتەۋ رەجيمى نەگىزىندە سىرتتان بوتەن ەشكىم كىرگىزىلمەيدى.