Көрнекі сурет. Фото: ашық дереккөз

Орталық коммуникация қызметінде өткен брифингте білім және ғылым министрі Асхат Аймағамбетов бала-бақша, мектеп және колледж-ЖОО санатындағы оқыту процесі төңірегіндегі шешімдерді жеткізді.

Министр Асхат Аймағамбетов білім саласындағы қабылданған бірқатар шешімдерді таныстырды:

  • Бала-бақша жұмыс істейді, бірақ ата-аналарға мүмкін болса баласын жібермеуге ұсыныс жасаймыз. Жаңа норма бойынша бала бірнеше күн келмесе де орны сақталаты болады;
  • Жеке сектордағы мектепке дейінгі білім беру мекемелеріндегі төлем мәселесі нарық заңдылығына қарай реттеледі. Бала ТЖ-ға байланысты сабаққа қатыспаған күндеріне ата-ана төлем жасамайды;
  • Қосымша білім беру ұйымдары (оқушылар сарайы, өнер үйірмелері) жұмысын 5 сәуірге дейін тоқтатты;
  • Елдегі 7300 мектепті каникулға ертерек шығардық. Мұғалімдер үйінде отырып-ақ қашықтықтан жұмыс жүргізеді;
  • Білім олимпиадалары да тоқтатылды;
  • Біліктілік арттыру курстарының көбін онлайн форматқа көшті, басқасы уақытша тоқтады;
  • Оқушыларды ынталандыру-марапаттауға арналған «Балдәурен», «Бөбек» тәрізді лагерьлер де тиісті уақытқа дейін өз жұмысын тоқтатты;
  • Колледж бен ЖОО қашықтықтан оқыту форматына көшті;
  • Жатақханадан басқа барар жері жоқ студенттерге «карантин ережелерін» қатаң сақтап қалуына рұқсат беріледі;
  • Балалар үйінде де шектеу режимі негізінде сырттан бөтен ешкім кіргізілмейді.

"The Qazaq Times"