يزرايل پرەمەر-ءمينيسترى بينيامين نەتانياحۋ. فوتو: EPA

يزرايل كوروناۆيرۋس پاندەمياسىمەن كۇرەستە لاڭكەستىككە قارسى قۇرىلعىلاردى قولدانباق. بۇل تۋرالى ەل پرەمەر-ءمينيسترى بينيامين نەتانياحۋ حابارلادى.

شەتەلدىك باسىلىمدار ءيزرايلدىڭ بۇل قادامىن «ميعا قونىمسىز، كۇلكىلى ارەكەت» دەپ سىنعا العان.

يزرايل پرەمەر-ءمينيسترى سوزىندە: «ءبىز دەرتپەن كۇرەسۋ ءۇشىن بارلىق شارانى قولعا الىپ جاتىرمىز. ەندى ۇكىمەت قاجەتتى تەحنيكالىق قۇرال-جابدىق تۋرالى شەشىم قابىلدايدى. دەنساۋلىق ساقتاۋ مينيسترلىگى لاڭكەستىككە قارسى كۇرەستە قولدانىلاتىن تسيفرلىق تەحنولوگيانى پايدالانۋدى سۇراپ وتىر. ءبىز ونى ازاماتتىق ماقساتتا قولدانعان ەمەسپىز. بىراق قازىر جاعداي وسىنى تالاپ ەتىپ وتىر»، – دەيدى.

قازىرگى ۋاقىتتا ەلدە ءدامحانا، مەيرامحانا، سپورتتىق ورىندار جانە ازىق-تۇلىكتەن باسقا بارلىق دۇكەندەر جابىلدى. رەسمي تەل-اۆيۆ شەتەلدەن كەلگەن ازاماتتاردىڭ بارلىعىن 14 كۇنگە ءوزىن ءوزى وقشاۋلاۋعا مىندەتتەگەن. سوڭعى دەرەكتەر بويىنشا، يزرايلدە 200 ادام ۆيرۋس جۇقتىرعان.

"The Qazaq Times"