كوكتەمگى جۇگىرۋ جارىسى مەن الماتى مارافونى وتپەيتىن بولدى

ەلدەگى بۇقارالىق جيىندارعا توقتاۋ سالىنعانىنا بايلانىستى الماتى مارافونى مەن كوكتەمگى  جۇگىرۋ جارىسى دا وتپەيدى.

«13 ناۋرىزدان باستاپ قازاقستاندا كوپشىلىك قاتىساتىن جيىنداردى وتكىزۋگە تىيىم سالىندى. بۇعان سەبەپ – كوروناۆيرۋستىق پاندەميا. ءسوندىوتان ءبىز كوكتەمگى جۇگىرۋ جارىستارى جانە ەڭ ايتۋلى «الماتى مارافونى» جوباسىن وتكىزە المايمىز، – دەپ مالىمدەدى ۇيىمداستىرۋ توبىنىڭ وكىلى، «ءبىرىنشى بولۋ – باتىلدىق» كورپوراتيۆتىك قورىنىڭ اتقارۋشى ديرەكتورى سالتانات قازىباەۆا.

بۇعان دەيىن توكيودا، ريمدە جانە سەۋلدە حالىقارالىق مارافوندار توقتاتىلعان. الماتى مارافونىنا كوپ دايىندىق جۇرگىزىلگەن ەدى، ويتكەنى كوكتەمگى جارىس 14 ناۋرىز، ال مارافون 19 ساۋىردە بولاتىن جوسپارلانعان بولاتىن.

سونىمەن قوسا اشىق جاتتىعۋ وتكىزۋ دە ۋاقىتشا توقتاتىلماق. ۇيىمداستىرۋ توبى الدىن-الا تىركەلگەن قاتىسۋشىلاردان «وزىنە باعىنبايتىن فورس-ماجور جاعدايىنا سابىر تانىتىپ، تۇسىنىستىكپەن قاراۋىن سۇرايدى».

«الماتى مارافونى» – قاشىقتىعى 42 كم 195 م بولاتىن جىل سايىنعى حالىقارالىق جۇگىرۋ جارىسى، ءتىپتى ورتالىق ازياداعى ەڭ ۇلكەن سپورتتىق وقيعا دەپ باعالانادى.

"The Qazaq Times"