كوروناۆيرۋس دەرتىنىڭ ۋشىعۋى سەبەپتى بيىل قازاقستاندا ناۋرىز مەيرامى مەملەكەتتىك دەڭگەيدە تويلانبايتىن بولدى.
قر پرەمەر-ءمينيسترىنىڭ ورىنباسارى ەرالى توعجانوۆ باق وكىلدەرىمەن وتكەن بريفينگتە: «كورىسۋ، ناۋرىز حالىقپەن بىتە قايناسقان، ءداستۇرلى مەيرام. دەگەنمەن، ادام ءومىرى ماڭىزدى. سول سەبەپتى دە ناۋرىزدا ۇلكەن مەرەكەلىك تويلارعا تىيىم سالىنادى. بىراق اعايىنداردىڭ ءبىر-بىرىنە بارىپ قۇتتىقتاۋىن، كورىسۋىن ەشكىم قاداعالاپ وتىرا المايدى. وعان شەكتەۋ قويىلمايدى دا. ءاربىر ازامات تەك ءوزىن عانا ويلاماۋى كەرەك، ءوزىنىڭ جانۇياسىن، اينالاسىنىڭ قاۋىپسىزدىگىن ويلاۋى كەرەك»، – دەدى.
كورشىلەس مەملەكەتتەردىڭ باسىم بولىگىنەن تابىلعان ۆيرۋس دەرەگى رەسمي مالىمەتتەر بويىنشا قازاقستاندا تىركەلگەن جوق. بۇعان دەيىن «جامبىل وبلىسىنا ۆيرۋس جۇقتىرعان 150 ادام بار»، «وڭتۇستىك كورەياداعى قازاقستاندىق ناۋقاس اۋرۋحانادان قاشىپ كەتتى» دەگەن اقپاراتتىڭ بارلىعىن دەنساۋلىق ساقتاۋ مينيسترلىگى جوققا شىعاردى.
دەگەنمەن تاياۋدا قازاقستاندا شامامەن 4 مىڭعا جۋىق ادامنىڭ باقىلاۋعا الىنعانى ءمالىم بولدى. رەسمي ۆەدومستۆو تاراتقان مالىمدەمەدە: «4650 ادامعا مونيتورينگ جۇرگىزىلدى، ونىڭ ىشىندە 1 «ا» ساناتى بويىنشا – 1217, 1 «ب» ساناتى بويىنشا – 189, 2 سانات بويىنشا – 3244 ادام مەديتسينالىق باقىلاۋدا بولدى. بارلىعى 676 ادام باقىلاۋدان الىندى. 11 ناۋرىزداعى جاعداي بويىنشا بارلىعى 3974 ادام باقىلاۋدا تۇر»، – دەلىنگەن.
10 ناۋرىزدا ورتالىق كوممۋنيكاتسيالار قىزمەتىندە وتكەن بريفينگتە باس سانيتار دارىگەر جانداربەك بەكشين الداعى 5-6 كۇن ىشىندە ەلدە كوروناۆيرۋس دياگنوزى تىركەلۋى مۇمكىن ەكەنىن ايتتى.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى