ەل استاناسىندا تەرگەۋ يزولياتورىندا قازا بولعان ازاماتتىق بەلسەندى دۋلات اعادىلدى بۇگىن قالىڭ قارالى جۇرت بولىپ جەر قوينىنا تاپسىردى. الەۋمەتتىك جەلىلەردە جانە بىرقاتار اقپارات قۇرالدارى تاراتقان ۆيدەو جازبالاردان دۋلات اعادىلدىڭ ازالى جيىنىنا قاتىسقان جۇرتتىڭ ايتارلىقتاي كوپ ەكەنىن كورۋگە بولادى.

وسىمەن ءبىر ۋاقىتتا الماتىداعى "رەسپۋبليكا" الاڭىنىڭ ماڭىندا دا بەلسەندىلەر جينالىپ،  دۋلات اعادىلدىڭ ولىمىنە بايلانىستى ازا تۇتتى. جينالعاندار اراسىندا بالتاش تۇرسىمباەۆ جانە جاسارال قۋانىشالين قاتارلى قوعام قايراتكەرلەرى دە بار.

جينالعاندار دۋلات اعادىلدىڭ ولىمىنە تىكەلەي بيلىك كىنالى،  بيلىك بۇل ارقىلى قوعام بەلسەندىلەرىن قورقىتۋدى كوزدەپ وتىر،  بيلىككە قارسى شىقپاۋعا كوندىرگىسى كەلەدى دەپ سانايدى.

الماتىدا ازا تۇتقان جۇرت دۋلات اعادىلدىڭ جەر قوينىنا تاپسىرىلعانىن ەستىگەننەن كەيىن مارقۇمعا ارناپ قۇران باعىشتادى.

بەلسەندىنى ساياساي جۇيەنىڭ قۇربانى دەپ سانايتىن جۇرتشىلىق باتىس جەلتوقسان-ماحاتما گاندي كوشەلەرىنىڭ قيىلىسىنداعى الماتى قالالىق پروكۋراتۋراسى عيماراتىنىڭ الدىنا بارىپ، "بوستاندىق", "22-ءسى ۇستالعاندار بوساتىلسىن", "اعادىلدىڭ ءولىمى ءادىل تەرگەلسىن" دەپ ۇرانداستى.

الماتىداعى ازالى جۇرت

 

The Qazaq Times