ارمەنيانىڭ بۇرىنعى پرەزيدەنتى سەرج سارگسيان سوتقا اكەلىندى. وعان مەملەكەت بيۋدجەتىنەن 1 ميلليون دوللاردان استام قارجى جىمقىردى دەگەن ايىپ تاعىلعان. بۇل تۋرالى Abhaber.com حابارلادى.

ەرەۆان سوتى سارگسيانمەن بىرگە ءتورت ادام – بۇرىنعى اۋىل شارۋاشىلىعى ءمينيسترى سەرگو كاراپەتيان جانە ونىڭ ورىنباسارى بولعان سامۆەل گالستيان، كاسىپكەر بارسەگ بەگلاريان، وسىمدىك زەرتتەۋ باسقارماسىنىڭ بۇرىنعى باستىعى گەۆورگ ارۋتيۋنياننىڭ ءىسىن قارايدى.

2008 جىلدىڭ 1 ناۋرىزىندا پرەزيدەنت سايلاۋىنىڭ قورىتىندىسىنا نارازى حالىق قارسىلىق اكتسياسىن وتكىزگەن ەدى. اكتسيا كەزىندە 10 ادام قازا تاۋىپ، 250 ادام اۋىر جاراقات العان بولاتىن. ارمەنيانىڭ ارنايى تەرگەۋ قىزمەتى 2018 جىلى 26 شىلدەدە وسى قارسىلىق شاراسىنا شىعۋشىلاردى ارانداتتى دەگەن ايىپپەن ارمەنيانىڭ بۇرىنعى پرەزيدەنتى روبەرت كوچارياندى ەكى ايعا قاماۋعا العان. ەندى، س.سارگسيانعا دا وسىنداي ايىپ تاعىلعان. ارمەنيا پرەزيدەنتتىگىنە ەكى رەت سايلانىپ، 2018 جىلى پرەمەر-مينيستر رەتىندە بيلىكتە قالماق بولعان سارگسيان سول جىلى كوكتەمدەگى جاپپاي نارازىلىقتان كەيىن وتستاۆكاعا كەتۋگە ءماجبۇر بولعان.

"The Qazaq Times"