كيم چەن نامنىڭ مۇردەسى سولتۇستىك كورەياعا قايتارىلىپ، ەكى ەل قاتىناسى جاقسارتىلماق

مالايزياداعى اۋەجايدا قاستاندىقپەن ولتىرىلگەن كي چەن نامنىڭ وقيعاسى سولتۇستىك كورەيا مەن مالايزيا اراسىندا ءبىراز ۋاقىت داۋ تۋدىرعان بولاتىن. شەتەلدىك اقپارات قۇرالدارىنىڭ بۇگىنگى حابارىنا قاراعاندا، مالايزيا جاعى كيم چەن نامنىڭ مۇردەسىن سولتۇستىك كورەياعا قايتارۋعا كەلىسىم بەرگەن. سونىمەن بىرگە ەكى ەل اراسىندا تۋريستەردىڭ كەلىپ-كەتۋىنە تيىم سالماۋ تۋرالى كەلىسىم جاسالعان. كيم چەن نام بولسا كحدر-نىڭ ەڭ جوعارى باسشىسىنىڭ اكەسى ءبىر، شەشەسى بولەك اعاسى بولىپ سانالادى.

30 ناۋرىز كۇنى، سولتۇستىك كورەيا ورتالىق اقپاراتتىق اگەنتتىگىنىڭ ەكى ەل اراسىندا جاسالعان كەلىسىمنىڭ مازمۇنىن تاراتتى. كەلىسىم ەكى ەل اراسىنداعى قارىم-قاتىناستىڭ ماڭىزدىلىعىن قۋاتتاعان. ءتىپتى ەكى ەل ازاماتتارىنىڭ ۆيزاسىز قاتىناسۋىن دا تالقىلاعان. كەلىسىم ەكى جاقتىلى جوعارى دەڭگەيدە ديپلوماتيالىق قارىم-قاتىناسىن ورناتۋعا تىرىسقان.

سولتۇستىك كورەيانىڭ اقپارات اگەنتتىگىنىڭ حابارىنا قاراعاندا، مالايزيا مەن ارادا جاسالعان بۇل رەتكى كەلىسىم ەكى ەل قارىم-قاتىناسىندا سوڭعى كەزدە قالىپتاسقان توقىراۋدى سەيىلتتى دەلىنگەن. ەستەرىڭىزدە بولسا كيم چەن نام اقپان ايىندا كۋالا-لۋمپۋر حالىقارالىق اۋەجايىندا وزگەلەر جاعىنان قاستاندىققا ۇشىراعان ەدى. ەندى مىنە مالايزيا ۇكىمەتى قاستاندىققا ۇشىراۋشىنىڭ مۇردەسىن سولتۇستىك كورەياعا، تۋىستارىنا قايتارۋعا كەلىسىم بەرىپ وتىر.

“The Qazaq Times”